എയിംസിലെ 110 ഡോക്​ടർമാർക്ക്​ കോവിഡ് സ്ഥിരീകരിച്ചു​

ഡെറാഡൂൺ: വാക്​സിൻ സ്വീകരിച്ച നൂ​റിലേറെ ആരോഗ്യ പ്രവർത്തകർക്ക്​ കോവിഡ് സ്ഥിരീകരിച്ചു. ഉത്തരാഖണ്ഡിലെ ഋഷികേശ് ആൾ ഇന്ത്യ ഇൻസ്​റ്റിറ്റ്യൂട്ട്​ ഓഫ്​ മെഡിക്കൽ സയൻസിലെ 110 ഡോക്​ടർമാരും, നഴ്​സുമാരുമാണ്​ കോവിഡ്​ പോസിറ്റീവായത്​.

എയിംസിലെ പി.ആർ.ഒ ഹരീഷ്​ തപില്യാൽ ആണ്​ ആരോഗ്യ പ്രവർത്തകർക്ക്​ കോവിഡ്​ സ്ഥിരീകരിച്ച വാർത്ത പുറത്തുവിട്ടത്​. മുഴുവൻ ജീവനക്കാരും വാക്​സിൻ സീകരിച്ചിരുന്നു. കോവിഡ്​ രോഗികളുമായി ഇടപെഴകലാകാം രോഗ കാരണമെന്ന്​ സംശയിക്കുന്നതായി അദ്ദേഹം പറഞ്ഞു.

ചീഫ്​ മെഡിക്കൽ സൂപ്രണ്ടൻറ്​ വി​ജയേഷ്​ ഭരദ്വാജി​ന്​ നേരത്തെ കോവിഡ്​ സ്ഥിരീകരിച്ചിരുന്നു.