ബാലാക്കോട്ട്​ ആക്രമണം: 250 ലേറെപേർ ​െകാല്ലപ്പെ​​െട്ടന്ന്​ അമിത്​ ഷാ

ന്യൂഡൽഹി: ഇന്ത്യൻ വ്യോമസേന ബാലാക്കോട്ടിൽ നടത്തിയ ആക്രമണത്തിൽ 250 ലേറെ പേർ മരിച്ചെന്ന കണക്കുമായി ബി.ജെ.പി ദേശീ യാധ്യക്ഷൻ അമിത്​ഷാ. ഞായറാഴ്​ച ഗുജറാത്തിൽ നടന്ന തെരഞ്ഞെടുപ്പ്​ റാലിക്കിടെയാണ്​ അമിത്​ഷായുടെ പരാമർശം. വ്യോമസ േനയോ സർക്കാറോ കണക്കുകളൊന്നും നിരത്താതിരിക്കു​േമ്പാഴാണ്​ ബി.ജെ.പി അധ്യക്ഷൻ 250 പേർ കൊല്ലപ്പെ​െട്ടന്ന കണക്കുമായി രംഗത്തെത്തിയത്​.

ഉറിക്ക്​ ശേഷം നമ്മുടെ സേന പാകിസ്​താനിലേക്ക്​ കടന്ന്​ മിന്നലാക്രമണം നടത്തിയിരിക്കുന്നു. നമ്മു​െട സൈനികരുടെ മരണത്തിന്​ പ്രതികാരം തീർത്തിരിക്കുന്നു. പുൽവാമക്ക്​ ശേഷം മിന്നലാക്രമണം ഉണ്ടാകില്ലെന്ന്​ എല്ലാവരും കരുതി. എന്നാൽ പുൽവാമ ആക്രമണം നടന്ന്​ 13 ദിവസങ്ങൾക്ക്​ ശേഷം മോദി ഭരണത്തിന്​ കീഴിൽ സർക്കാർ വ്യോമാക്രമണം നടത്തി. ആക്രമണത്തിൽ 250 ലേറെ തീവ്രവാദികൾ കൊല്ല​െപ്പട്ടു -അമിത്​ ഷാ പറഞ്ഞു.

അമേരിക്കക്കും ഇസ്രായേലിനും ശേഷം സ്വന്തം സൈന്യത്തെ ഉപയോഗിച്ച്​ പ്രതികാരം ചെയ്യുന്ന മൂന്നാമത്തെ രാഷ്​ട്രമാണ്​ ഇന്ത്യയെന്നും അമിത്​ഷാ വ്യക്​തമാക്കി. പാകിസ്​താ​​​െൻറ എഫ്​​-16 വെടിവെച്ച്​ വീഴ്​ത്തിയ ഇന്ത്യൻ പൈലറ്റ്​ അഭിനന്ദൻ പാക്​ പിടിയിൽ നിന്ന്​ 24 മണിക്കൂറിനുള്ളിൽ തിരികെ വന്നത്​ മോദി അധികാരത്തിലുള്ളതി​​​െൻറ മാറ്റമാണെന്ന്​ സൂറത്തിൽ നടന്ന മറ്റൊരു ചടങ്ങിലും അമിത്​ ഷാ പറഞ്ഞിരുന്നു.

അതേസമയം, ഇന്ത്യയുടെ വ്യോമാക്രമണത്തെയും പാകിസ്​താനെതിരായ ഏറ്റുമുട്ടലിനെയും രാഷ്​ട്രീയവത്​കരിക്കുന്നുവെന്ന ആരോപണം ബി.ജെ.പി ആവർത്തിച്ച്​ നിഷേധിക്കാറുണ്ട്​.