മുനവ്വർ ഫാറൂഖിക്ക്​ പിന്തുണയുമായി അരുന്ധതി റോയി ഉൾപ്പടെ പ്രമുഖർ; ആരോപണങ്ങൾ തള്ളണമെന്നും ആവശ്യം

സ്​​റ്റാ​ൻ​ഡ​പ്​ കൊ​മേ​ഡി​യ​ൻ മു​ന​വ്വ​ർ ഫാ​റൂ​ഖിക്ക്​ പിന്തുണയുമായി നൂറിലധികം പ്രമുഖർ രംഗത്ത്​. അരുന്ധതി റോയ്, കുനാൽ കമ്ര, പൂജ ഭട്ട്, കൽക്കി കൊച്ച്ലിൻ എന്നിവരുൾപ്പെടെ കലാകാരന്മാരും എഴുത്തുകാരുമാണ്​ ഫാറൂഖിക്കും ഒപ്പം അറസ്റ്റിലായ അഞ്ചുപേർക്കും പിന്തുണ നൽകി രംഗത്ത്​ എത്തിയത്​. ഫാറൂഖി, നളിൻ യാദവ്, പ്രാകാർ വ്യാസ്, എഡ്വിൻ ആന്‍റണി, സദാകത്ത് ഖാൻ എന്നിവർക്കെതിരായ എല്ലാ ആരോപണങ്ങളും പിൻവലിക്കണമെന്ന്​ പ്രമുഖർ സംയുക്ത പ്രസ്താവനയിൽ ആവശ്യപ്പെട്ടു.

ഇന്ത്യയിൽ നിലനിൽക്കുന്ന അഭിപ്രായ സ്വാതന്ത്ര്യത്തെ സംബന്ധിച്ച ആശങ്കകളെ ഊട്ടിയുറപ്പിക്കുന്നതാണ് കേസ്​​. ഇന്ത്യയിലെ ഓരോ പൗരനും നിയന്ത്രണങ്ങൾ​െക്കാപ്പം അഭിപ്രായ പ്രകടനത്തിനും ഭരണഘടനാപരമായ അവകാശമുണ്ടെന്നും അവർ പ്രസ്​താവനയിൽ ചൂണ്ടിക്കാട്ടി. ഹി​ന്ദു ദൈ​വ​ങ്ങ​ൾ​ക്കെ​തി​രെ മോ​ശം പ​രാ​മ​ർ​ശം ന​ട​ത്തി​യെ​ന്നാ​രോ​പി​ച്ച്​ ബി.​ജെ.​പി എം.​എ​ൽ.​എ മാ​ലി​നി ല​ക്ഷ്​​മ​ൺ സി​ങ്ങി​െൻറ മ​ക​ൻ ഏ​ക​ല​വ്യ സി​ങ്​ ഗൗ​ർ​ ന​ൽ​കി​യ പ​രാ​തി​യെ തു​ട​ർ​ന്നാ​ണ്​ ഫാ​റൂ​ഖി​യെ​യും മ​റ്റു അഞ്ചു​പേ​രെ​യും മ​ധ്യ​പ്ര​ദേ​ശ്​ പൊ​ലീ​സ്​ അ​റ​സ്​​റ്റ്​ ചെ​യ്​​ത​ത്.

എ​ന്നാ​ൽ, ഹാ​സ്യ പ​രി​പാ​ടി​യു​ടെ സം​ഘാ​ട​ക​രു​ടെ നി​ർ​ദേ​ശ​മ​നു​സ​രി​ച്ച്​ പ​രി​പാ​ടി അ​വ​ത​രി​പ്പി​ക്കു​ക മാ​ത്ര​മാ​ണ്​ മു​ന​വ്വ​ർ ഫാ​റൂ​ഖി ചെ​യ്​​ത​തെ​ന്നും ഉ​യ​രു​ന്ന ആ​രോ​പ​ണ​ങ്ങ​ൾ അ​ടി​സ്ഥാ​ന ര​ഹി​ത​മാ​ണെ​ന്നും ഫാ​റൂ​ഖി​യു​ടെ അ​ഭി​ഭാ​ഷ​ക​ൻ കോ​ട​തി​യെ അ​റി​യി​ച്ചി​രു​ന്നു. ജ​നു​വ​രി 28ന്​ ​മ​ധ്യ​പ്ര​ദേ​ശ്​ ഹൈ​കോ​ട​തി ഫാ​റൂ​ഖി​യു​ടെ ജാ​മ്യാ​പേ​ക്ഷ ത​ള്ളി​യി​രു​ന്നു. അ​തി​നു മു​മ്പ്​ മ​ജി​സ്​​ട്രേ​റ്റ്​ കോ​ട​തി​യും സെ​ഷ​ൻ​സ്​ കോ​ട​തി​യും ജാ​മ്യം നി​ഷേ​ധി​ച്ചു. പിന്നീട്​ സു​പ്രീം​കോ​ട​തിയാണ്​ ഫാറൂഖിക്ക്​ ജാ​മ്യം അ​നു​വ​ദി​ച്ചത്​.