സ്​ത്രീധനം നൽകാത്തതിന്​ 24കാരിയെ ഭർതൃവീട്ടുകാർ നഗ്​നയാക്കി മർദിച്ചു

ഭുവനേശ്വർ: ഒഡീഷയിൽ സ്​ത്രീധനം നൽകാൻ വിസമ്മതിച്ച 24കാരിയെ ഭർതൃവീട്ടുകാർ നഗ്​നയാക്കി മർദിച്ചു. കേന്ദ്രപാറ ജില്ലയിലാണ്​ സംഭവം.

യുവതിയെ ക്രൂരമായി മർദിക്കുന്ന വിഡിയോ ദൃശ്യങ്ങൾ പുറത്തുവന്നു. ദൃശ്യങ്ങൾ സമൂഹമാധ്യമങ്ങളിൽ വൻതോതിൽ പ്രചരിച്ചതോടെയാണ്​ സംഭവം പുറത്തറിയുന്നത്​.

നിരവധി പുരുഷൻമാർ വടി ഉപയോഗിച്ച്​ യുവതിയെ മർദിക്കുന്നത്​ വിഡിയോയിൽ കാണാം. വീണുകിടക്കുന്ന യുവതിയെ വീണ്ടും അടിക്കുകയും നഗ്​നയാക്കിയശേഷം മർദനം തുടരുകയുമായിരുന്നു. ഒരു സ്​ത്രീ യുവതിയുടെ ദേഹത്ത്​ വസ്​ത്രം വലിച്ചിടുന്നതും പുരുഷൻമാരെ തള്ളിനീക്കുന്നതും വിഡിയോയിലുണ്ട്​.

മർദനത്തിനെതിരെ യുവതിയു​െട അമ്മാവൻ പൊലീസിൽ പരാതി നൽകി. സംഭവത്തിൽ അന്വേഷണം ആരംഭിച്ചായും പൊലീസ്​ പറഞ്ഞു.

ഗ്രാമത്തിലെ ചിലർ യുവതിയെ അക്രമത്തിൽനിന്ന്​ രക്ഷിക്കാൻ ശ്രമിക്കുന്നുണ്ടായിരുന്നു. സ്​ത്രീധനം നൽകിയില്ലെന്ന്​ ആരോപിച്ചായിരുന്നു ക്രൂര മർദനമെന്നും പൊലീസ്​ പറഞ്ഞു.