ബി.ജെ.പി എം.പിയുടെ മുസ്​ലിം വിരുദ്ധ പ്രസ്​താവനക്ക്​ മറുപടിയുമായി ഉവൈസി

ന്യൂഡൽഹി: മുസ്​ലിംകൾക്കെതിരായി ബി.ജെ.പി എം.പി വിനയ്​ കത്യാറി​​​​​െൻറ പ്രസ്​താവന​ക്ക്​ മറുപടിയുമായി അസദുദ്ദീർ ഉവൈസി. കത്യാറി​​​െൻറ പ്രസ്​താവന കെടാൻ പോകുന്ന വിളക്കി​​​െൻറ ആളിക്കത്തലായി കണ്ടാൽ മതി. അദ്ദേഹത്തി​​​െൻറ രാജ്യസഭാ കാലാവധി അവസാനിക്കാൻ പോവുകയാണെന്നും ഉവൈസി പറഞ്ഞു. 

ഇന്ത്യയിലെ മുസ്ലിംകൾ പാകിസ്താനിലേക്ക് പോകണമെന്ന് ബി.ജെ.പി എം.പി വിനയ് കത്യാർ പറഞ്ഞിരുന്നു. ജനസംഖ്യയുടെ അടിസ്ഥാനത്തിൽ അവർ രാജ്യം വിഭജിച്ചെന്നും അവർക്ക് അവരുടേതായ രാജ്യം നൽകിയിട്ടുണ്ടെന്നുമാണ്​ കത്യാർ മാധ്യമങ്ങളോട്​ പറഞ്ഞത്​.

ഇന്ത്യ വിഭജനവുമായി ബന്ധപ്പെട്ട്​ തനിക്കൊന്നും ചെയ്യാനില്ല, വിഭജനവുമായി മുസ്​ലിംങ്ങളെ ബന്ധപ്പെടുത്തുന്നതിൽ അർഥമില്ലെന്നും കൂടുതൽ സമഗ്രവും ശക്​തവുമായ ഇന്ത്യയാണ്​ ത​​​​​െൻറ പ്രതീക്ഷയെന്നും ഉവൈസി പറഞ്ഞു. 

പക്ഷെ, ഭരണത്തിലിരിക്കുന്നവരടക്കം രാജ്യത്തോടുള്ള മുസ്​ലിങ്ങുളടെ സ്​നേഹത്തെ ചോദ്യം ചെയ്യുകയാണ്​. പുതിയ ഇന്ത്യയാണ്​ നരേന്ദ്ര മോദിയുടെ ലക്ഷ്യമെങ്കിൽ ഇത്തരം ചോദ്യം ​െചയ്യപ്പെടലുകൾക്കെതിരായ നിയമം രാജ്യത്ത്​ കൊണ്ടുവരുകയാണ്​ വേണ്ട​െതന്നും ഉവൈസി കൂട്ടിച്ചേർത്തു.