ഓക്​സിജൻ ക്ഷാമം മുതലെടുത്ത്​ കരിഞ്ചന്തക്കാർ; പ്രാണവായുവിന്​ പിടയുന്ന മനുഷ്യർക്ക്​ വിൽക്കുന്നത്​ പത്തിരട്ടി വിലയ്​ക്ക്​

ന്യൂഡൽഹി: രാജ്യത്തെ ആശുപത്രികളിൽ​ ഓക്​സിജൻ ക്ഷാമത്തെ തുടർന്ന്​ മനുഷ്യർ മരിച്ച്​ വീഴു​േമ്പാഴും മുതലെടുത്ത്​ കരിഞ്ചന്തകൾ. പ്രാണവായുവിന്​ വേണ്ടി ​നെ​ട്ടോട്ടമോടുന്ന മനുഷ്യരോട്​ പത്തിരട്ടി വിലയാണ്​ ഒാക്​സിജൻ സിലണ്ടറിന്​ ഡൽഹിയിൽ കരിഞ്ചന്തക്കാർ ആവശ്യപ്പെടുന്നത്​. ആശുപത്രികളിൽ ഓക്​സിജൻ സിലിണ്ടർ ഇല്ലെന്ന് സർക്കാറും അധികൃതറും​ പറയു​േമ്പാഴാണ്​ കരിഞ്ചന്തയിൽ കൊള്ള വിൽപ്പന നടക്കുന്നത്​.

കോവിഡ്​ ബാധിച്ചതിനെ തുടർന്ന്​ അപകടനിലയിലായ ഭർതൃപിതാവിന്​ വേണ്ടി ഒാക്​സിജൻ സിലണ്ടർ അന്വേഷിച്ചിറങ്ങിയ അൻഷു പ്രിത എന്ന സ്​ത്രീയെ ഉദ്ധരിച്ച്​ ബി​.ബി.സി റിപ്പോർട്ട്​ ചെയ്യുന്നതിങ്ങനെയാണ്​.

''ഡൽഹി, നോയിഡ എന്നിവിടങ്ങളിലെ ആശുപ​ത്രികളെ സമീപിച്ചിരുന്നെങ്കിലും ഓക്​സിജൻ സിലണ്ടറും കിടക്കകളും ലഭ്യമല്ലാത്തതിനാൽ ഭർതൃപിതാവിനെ അഡ്​മിറ്റ്​ ചെയ്യാനായില്ല. തുടർന്നാണ്​ കരിഞ്ചന്തയിൽ നിന്ന്​ ഓക്​സിജൻ സിലണ്ടർ അൻഷു ​​വാങ്ങുന്നത്​.

ആറായിരം രൂപ വിലയുള്ള ഓക്​സിജൻ സിലിണ്ടർ 50000 രൂപയാണ്​ അവരോട്​ ആവശ്യപ്പെട്ടത്​.​ ആ വിലക്ക്​ വാങ്ങിയാണ്​ ഭർതൃപിതാവിന്​ വീട്ടിൽ ചികിത്സ തുടങ്ങിയതും ജീവൻ നിലനിർത്തുന്നതും. പിന്നാലെ അവരുടെ ഭർതൃ മാതാവും കോവിഡ്​ ബാധിച്ച്​ ഗുരുതരാവസ്ഥയിലായെങ്കിലും മറ്റൊരു ഓക്​സിജൻ സിലണ്ടർ കൂടി കരിഞ്ചന്തയിൽ നിന്ന്​ വാങ്ങാനുള്ള സാമ്പത്തിക ശേഷി അവർക്കുണ്ടായിരുന്നില്ലെന്നും ബി.ബി.സി റിപ്പോർട്ട്​ ചെയ്യു​ന്നു.

ഓക്​സിജൻ വിതരണക്കാരെ സിലിണ്ടറിനായി ബന്ധപ്പെടു​േമ്പാൾ പത്തിരട്ടിവരെ വിലയാണ്​ ആവശ്യപ്പെടുന്നതെന്ന്​ ബി​.ബി.സി റിപ്പോർട്ട്​ ചെയ്യുന്നു​. ഡൽഹിയിലും നോയിഡയിലും മാത്രമല്ല, ലക്​നൗ, അലഹബാദ്​, ഇൻഡോർ തുടങ്ങിയയിടങ്ങളിലും സമാനവസ്ഥയാണത്രെ. ആശുപത്രികൾ നിറഞ്ഞ്​ കവിഞ്ഞതിനെ തുടർന്നാണ്​ പലരും ഒാക്​സിജൻ സിലിണ്ടറുകൾ വീടുകളിലൊരുക്കാൻ ശ്രമിച്ചത്​.