പാല ബിഷപ്പി​േന്‍റത്​ വികലമായ ചിന്ത; മുതലെടുപ്പ്​ നടത്തുന്നവർ ഗുജറാത്തി​ൽ പിടികൂടിയ 3000 കിലോ ഹെറോയിനെക്കുറിച്ച്​ സംസാരിക്കണം - പി.ചിദംബരം

ന്യൂഡൽഹി: നാർകോട്ടിക്​ ജിഹാദിൽ മുതലെടുപ്പ്​ നടത്തുന്നവർ ഗുജറാത്തിൽ പിടികൂടിയ 3000 കിലോ ഹെറോയിനെക്കുറിച്ച്​ സംസാരിക്കണമെന്ന്​ മുൻ​ കേന്ദ്ര ആഭ്യന്തര മന്ത്രിയും മുതിർന്ന കോൺഗ്രസ്​ നേതാവുമായ പി.ചിദംബരം. ഇന്ത്യൻ എക്​സ്​പ്രസിൽ എഴുതിയ Mischievous and Fake Crusades എന്ന ലേഖനത്തിലാണ്​ ചിദംബരം തന്‍റെ നിലപാട്​ വ്യക്തമാക്കിയത്​.

പി.ചിദംബരം എഴുതിയ ലേഖനത്തിലെ പ്രസക്ത ഭാഗങ്ങൾ:

''തീവ്ര ഹിന്ദു വിഭാഗങ്ങൾ കണ്ടുപിടിച്ച ലവ്​ ജിഹാദിന്​ ശേഷം നാർകോട്ടിക്​ ജിഹാദെന്ന പേരിൽ പുതിയ ഭീകരസ്വത്വം ഇറങ്ങിയിരിക്കുകയാണ്​. ഇത്​ ഞാനടക്കമുള്ള ഇന്ത്യയിലെ ലക്ഷക്കണക്കിന്​ പേരെ വേദനിപ്പിക്കുന്നതാണ്​. പാലയിലെ ബിഷപ്പ്​ ജോസഫ്​ കല്ലറങ്ങാട്ടാണ്​ ഇതിന്‍റെ ഉപജ്ഞാതാവ്​. പ്രണയവും നാർകോട്ടികും യഥാർഥമാണ്​. പക്ഷേ അതിനോട്​ ജിഹാദ്​ ചേർക്കുന്നത്​ വികലമായ ചിന്തയാണ്​. മുസ്​ലിംകളേയും അല്ലാത്തവരേയും തെറ്റിക്കാനുള്ള പദ്ധതിയാണിത്​. തീവ്ര ഹിന്ദുത്വ ഗ്രൂപ്പുകൾ ബിഷപ്പിനെ പിന്തുണക്കുന്നതിൽ യാതൊരു അത്​ഭുതവുമില്ല. ഹിന്ദുത്വഗ്രുപ്പുകൾ എങ്ങനെയാണ്​ ക്രിസ്​ത്യാനികളെ പരിഗണിച്ചത്​ എന്നത്​ കൂടി​ നമ്മൾ ഓർക്കേണ്ടതുണ്ട്​.

ശരിക്കൊപ്പം നിൽക്കുന്നതും തെറ്റിനെതിരെ പോരാടുന്നതുമാണ്​ ജിഹാദ്​. ആധുനിക കാലത്താണ്​ ഇത്​​ ഹിംസാത്മക പ്രവർത്തനങ്ങളുടെ പര്യായമായത്​. ഇന്ത്യയിൽ ഇസ്​ലാം വ്യാപന പദ്ധതിയുണ്ടെന്നതിന്​ ഇന്നേവരെ ഒരു തെളിവും ഇല്ല. ബിഷപ്പിന്‍റെ കലാപാഹ്വാനത്തിനെതി​െര പ്രതികരിച്ചതിന്​ മുഖ്യമന്ത്രി പിണറായി വിജയനെയും ​പ്രതിപക്ഷ നേതാവ്​ വി.ഡി സതീശനെയും ഞാൻ പ്രശംസിക്കുന്നു.

ജിഹാദ്​ എന്ന പദത്തെ പ്രണയവുമായും ലഹരിയുമായും ബന്ധിപ്പിക്കുന്നത്​ വികലമായ ചിന്തയാണ്​. നാർകോട്ടിക്​ ജിഹാദിന്‍റെ പേരിൽ മുതലെടുപ്പ്​ നടത്തുന്നവർ ഗുജറാത്തിൽ പിടികൂടിയ 3000 കിലോ ഹെറോയിനെക്കുറിച്ച്​ സംസാരിക്കണം. ഉന്നത ഉദ്യോഗസ്ഥരുടെ അറിവോടെയല്ലാതെ ഇത്രയും വലിയ അളവിൽ മയക്കുമരുന്ന്​ ഇറക്കാൻ കഴിയില്ലെന്ന്​ എനിക്ക്​ പറയാനാകും. ഇതിൽ പിടികൂടിയ ദമ്പതികൾ മുസ്​ലിംകളല്ല. പ്രധാനമന്ത്രിയും ആഭ്യന്തര മന്ത്രിയും ജിഹാദിനെക്കുറിച്ചുള്ള സംസാരം നിർത്തി 3000 കോടിയുടെ ഹെറോയിനെക്കുറിച്ച്​​ സംസാരിക്കണം. ഇതിൽ ആഭ്യന്തര സുരക്ഷയെ തകർക്കുന്നതും സാമൂഹിക സൗഹാർദം തകർക്കാവുന്നതുമായ വിഷയങ്ങളുണ്ട്'' .​

2008 മുതൽ 2012 വ​െര കേന്ദ്ര ആഭ്യന്തരമന്ത്രിയായിരുന്നു ചിദംബരം. 2012 മുതൽ 2014വരെ ധനകാര്യമന്ത്രിയായും പ്രവർത്തിച്ചിരുന്നു.