ഐ.എൻ.എക്​സ്​ മീഡിയ കേസിൽ പി. ചിദംബരത്തിന്​ ജാമ്യം; കസ്​റ്റഡിയിൽ തുടരും

ന്യൂഡൽഹി: സി.ബി.െഎ രജിസ്​റ്റർ ചെയ്​ത െഎ.എൻ.എക്​സ്​ മീഡിയ കേസിൽ കേന്ദ്ര ധനമന്ത്രി പി. ചിദംബരത്തിന്​ സുപ്രീംകോടതി ജാമ്യം അനുവദിച്ചു. ചിദംബരം നാടുവിടാനിടയുണ്ടെന്ന കേന്ദ്ര സർക്കാറി​​െൻറ വാദം തള്ളിയാണ്​ ജസ്​റ്റിസ്​ ആർ. ഭാനുമതി അധ്യക്ഷയായ ബെഞ്ച്​ ജാമ്യം അനുവദിച്ചത്​.

എന്നാൽ, എൻഫോഴ്​സ്​മ​െൻറ്​​ ഡയറക്​ടറേറ്റ്​ രജിസ്​റ്റർചെയ്​ത ​േകസിൽ കസ്​റ്റഡിയിലായ ചിദംബരത്തിന്​ അതവസാനിക്കുംവരെ മോചനമില്ല. രണ്ട്​ ആൾജാമ്യത്തിനു​പുറമെ ലക്ഷം രൂപ ജാമ്യത്തുകയായും ചിദംബരം കെട്ടിവെക്കണം. രാജ്യം വിടരുതെന്നും ചോദ്യംചെയ്യലിന്​ ഹാജരാവണമെന്നും ജാമ്യവ്യവസ്​ഥയിലുണ്ട്​. ഇൗ കേസിലെ ജാമ്യം മറ്റു കേസുകളിലെ നടപടികളെ ബാധിക്കുന്നതല്ലെന്നും സുപ്രീംകോടതി വ്യക്​തമാക്കി.

ചിദംബരം നാടുവിടുമെന്ന സോളിസിറ്റർ ജനറൽ തുഷാർ മേത്തയുടെ വാദം ജസ്​റ്റിസുമാരായ എ.എസ്​ ബൊപ്പണ്ണ, ഋഷികേശ്​ റോയ്​ എന്നിവരടങ്ങ​ുന്ന ബെഞ്ച്​ ഖണ്ഡിച്ചു. അദ്ദേഹം രാജ്യം വിടാനൊരുങ്ങാതെ ​അന്വേഷണവുമായി സഹകരിച്ചിട്ടു​ണ്ടെന്ന്​ അവർ വ്യക്​തമാക്കി.

ജാമ്യം നിഷേധിച്ച ഡൽഹി ഹൈകോടതി വിധിയെ സുപ്രീംകോടതി വിമർശിച്ചു. പ്രതി നാടുവിടാനിടയില്ലെന്നും തെളിവ്​ നശിപ്പിക്കുമെന്ന തോന്നലില്ലെന്നും ഡൽഹി ഹൈകോടതിതന്നെ വ്യക്​തമാക്കിയതാണ്​. എന്നാൽ, മുതിർന്ന അഭിഭാഷകനും മുൻ കേന്ദ്രമ​ന്ത്രിയുമെന്ന നിലയിൽ തെളിവ്​ നശിപ്പിക്കാൻ സാധ്യതയുണ്ടെന്ന കാരണം പറഞ്ഞാണ്​ ഹൈകോടതി ജാമ്യം നിഷേധിച്ചത്​. കേസി​​െൻറ വിശദാംശങ്ങളിലും കുറ്റകൃത്യത്തി​​െൻറ പ്രകൃതത്തിലും കേന്ദ്രീകരിച്ച ഡൽഹി ഹൈകോടതി ജാമ്യം അനുവദിക്കുന്നതി​​െൻറ തത്ത്വ​്്ങ്ങൾ പരിഗണിച്ചില്ലെന്ന്​ സുപ്രീംകോടതി കുറ്റപ്പെടുത്തി.

ഇത്രയുംനാളായി ഏതെങ്കിലും സാക്ഷിയെ ചിദംബരമോ അദ്ദേഹത്തി​​െൻറ ആളുകളോ സ്വാധീനിക്കാൻ ശ്രമിച്ചതായി ആരോപണമുന്നയിച്ചിട്ടില്ല. ചിദംബരത്തെ റിമാൻഡ്​​ ചെയ്യാൻ സമർപ്പിച്ച നിരവധി അപേക്ഷകളിൽ ചിദംബരവും മകനും ഏതെങ്കിലും സാക്ഷികളെ സമീപിച്ചതായി ഒരു പരാമർശവുമില്ല. എന്നാൽ ജാമ്യാപേക്ഷയുമായി ഹൈകോടതിയെ സമീപിച്ചപ്പോൾ മാത്രമാണ്​ സി.ബി.​െഎ ഇത്തരമൊരു വാദമുയർത്തിയതെന്ന്​ സുപ്രീംകോടതി വിധി തുടർന്നു.

െഎ.എൻ.എക്​സ്​ മീഡിയക്ക്​ വിദേശ നിക്ഷേപം സ്വീകരിക്കുന്നതിനുള്ള അനുമതിക്കായി ചിദംബരം നേരിട്ടല്ലാതെ മകൻ കാർത്തി ചിദംബരവുമായി ബന്ധപ്പെട്ട കമ്പനി വഴി കൈക്കൂലി വാങ്ങിയെന്ന്​ ആരോപിച്ച്​ ആഗസ്​റ്റ്​ 21നാണ്​ ജോർബാഗിലെ വസതിയിൽ നിന്ന്​ സി.ബി.​െഎ ചിദംബരത്തെ അറസ്​റ്റ് ചെയ്​തത്​. അതിനുശേഷം തിഹാർ ജയിലിലിട്ട ചിദംബരത്തിനെതിരെ കേസിൽ കുറ്റപത്രം സമർപ്പിക്കുകയും ചെയ്​തു. ഇ.ഡിക്ക് ചോദ്യംചെയ്യാനായി​ ചിദംബരത്തെ തിഹാർ ജയിലിൽനിന്ന്​ കസ്​റ്റഡിയിലെടുക്കാൻ കോടതി അനുമതി നൽകിയിരുന്നു. ആ കസ്​റ്റഡിക്കിടയിലാണ്​ ഇപ്പോൾ ജാമ്യം അനുവദിച്ചത്​.