കശ്മീരിൽ പാക് നുഴഞ്ഞുകയറ്റക്കാരനെ ​വെടിവെച്ചുകൊന്നു

സാം​ബ/​ ജ​മ്മു: സാം​ബ ജി​ല്ല​യി​ൽ അ​ന്താ​രാ​ഷ്ട്ര അ​തി​ർ​ത്തി​ക്കു​സ​മീ​പം പാ​കി​സ്താ​നി​ൽ നി​ന്നു​ള്ള നു​ഴ​ഞ്ഞു​ക​യ​റ്റ​ക്കാ​ര​നെ ബി.​എ​സ്.​എ​ഫ് ​വെ​ടി​വെ​ച്ചു​കൊ​ന്നു. ബു​ധ​നാ​ഴ്ച രാ​ത്രി മാ​ങ്കു​ചെ​ക്ക് മേ​ഖ​ല​യി​ലെ ഖോ​ര പോ​സ്റ്റി​ന് സ​മീ​പ​മാ​ണ് സം​ഭ​വം. 45കാ​ര​നാ​യ പാ​ക് സ്വ​ദേ​ശി​യാ​ണ് മ​രി​ച്ച​ത്.

രാ​ത്രി 10.15നാ​ണ് നു​ഴ​ഞ്ഞു​ക​യ​റ്റം ബി.​എ​സ്.​എ​ഫി​ന്റെ ശ്ര​ദ്ധ​യി​ൽ​പെ​ട്ട​തെ​ന്ന് ഐ.​ജി ഡി.​കെ. ബൂ​റ പ​റ​ഞ്ഞു. ര​ക്ഷ​പ്പെ​ടാ​ൻ ശ്ര​മി​ക്കു​ന്ന​തി​നി​ടെ, വെ​ടി​വെ​ച്ചി​ടു​ക​യാ​യി​രു​ന്നു. ആ​യു​ധ​ധാ​രി​ക​ളാ​യ ഭീ​ക​ര​ർ​ക്ക് എ​ത്താ​നു​ള്ള പ​ഴു​ത് അ​ന്വേ​ഷി​ക്കാ​ൻ നു​ഴ​ഞ്ഞു​ക​യ​റ്റ​ക്കാ​ര​നെ അ​യ​ച്ച​താ​കാ​മെ​ന്നും അ​ദ്ദേ​ഹം പ​റ​ഞ്ഞു. പോ​സ്റ്റ്‌​മോ​ർ​ട്ട​ത്തി​നും മ​റ്റ് നി​യ​മ ന​ട​പ​ടി​ക​ൾ​ക്കു​മാ​യി മൃ​ത​ദേ​ഹം പൊ​ലീ​സി​ന് കൈ​മാ​റും.

അ​തി​നി​ടെ, ര​ജൗ​രി​യി​ൽ ഭീ​ക​ര​രു​ടെ ഒ​ളി​ത്താ​വ​ളം ക​ണ്ടെ​ത്തി. ആ​യു​ധ​ങ്ങ​ളും സ്‌​ഫോ​ട​ക വ​സ്തു​ക്ക​ളും പി​ടി​ച്ചെ​ടു​ത്തു. വ​ന​മേ​ഖ​ല​യി​ൽ ഗു​ഹ രൂ​പ​ത്തി​ലു​ള്ള ഭീ​ക​ര​രു​ടെ ഒ​ളി​ത്താ​വ​ള​മാ​ണ് ത​ക​ർ​ത്ത​ത്.