ഇന്ത്യക്കെതിരെ ഭീകരവാദത്തി​െൻറ പാത തുറക്കണമെന്ന്​ മസൂദ്​ അസർ

ന്യൂഡൽഹി: ഇന്ത്യക്കെതിരെ ഭീകരവാദത്തി​െൻറ പാതയിലൂടെ പൊരുതണമെന്നും അതുവഴി കശ്​മീർ പൂർണമായും പിടിച്ചെടുക്കണമെന്നും ജെയ്​ഷെ മുഹമ്മദ്​ നേതാവും പാത്താൻകോട്ട്​ ഭീകരാക്രമണത്തി​െൻറ സൂത്രധാരനുമായ മസൂദ്​ അസർ. ജെയ്​ഷെയുടെ ആഴ്​ചപതിപ്പായ ‘അൽ ഖല’ത്തി​െൻറ എഡി​റ്റോറിലിലാണ്​ പാകിസ്​താൻ സർക്കാർ മുജാഹിദീനെ ഉപയോഗപ്പെടുത്തി കശ്​മീരിൽ ഭീകരവാദം വളർത്തണമെന്നും അത്​ ഇന്ത്യയെ ദുർബലമാക്കുമെന്നും പരാമർശിച്ചിട്ടുള്ളത്​.

കശ്​മീരിലെ സംഘർഷങ്ങൾക്ക്​ മുമ്പും ശേഷവുമുള്ള ഇന്ത്യയുടെ അവസ്ഥ കണക്കാക്കണം. സർപ്പത്തിൽ നിന്ന്​ മണ്ണിരയായി മാറിയതുപോലെയാണ്​ ഇന്ത്യയുടെ അവസ്ഥയെന്നാണ്​ തോന്നിയിട്ടുള്ളതെന്നും മസൂദ്​ അസർ എഡിറ്റോറിയലിൽ വ്യക്തമാക്കുന്നു.

 ഇന്ത്യക്കെതിരെ തിരിച്ചടിക്കണമെന്ന്​ മസൂദ്​ നേരത്തെയും ​ആവശ്യപ്പെട്ടിരുന്നു. എന്നാൽ ഭീകര സംഘടനകളുടെ നേതാക്കളായ മസൂദ്​ അസർ, ഹാഫിസ്​ സഇൗദ്​ എന്നിവർക്കെതിരെ നടപടിയെടുക്കാൻ പാക്​ സർക്കാർ മടിക്കുന്നതെന്തുകൊണ്ടാണെന്ന്​ പ്രമുഖ പാകിസ്​താൻ പത്രം ലേഖനത്തിലൂടെ ആഞ്ഞടിച്ചിരുന്നു.