കശ്​മീരിൽ വീണ്ടും വെടിനിർത്തൽ കരാർ ലംഘിച്ച്​ പാകിസ്​താൻ

രജൗരി: നിയന്ത്രണരേഖയിൽ വീണ്ടും പാകിസ്​താൻ സൈന്യം വെടിനിർത്തൽ കരാർ ലംഘിച്ചു. ജമ്മുകശ്​മീരിലെ രജൗരി ജില്ലയിലെ നൗഷേര മേഖലയിലാണ് ശനിയാഴ്​ചയും​ പാക്​ സൈന്യം വെടിയുതിർത്തത്​.

പാക്​ സൈന്യം പ്രകോപനമില്ലാതെ വെടിയുതിർക്കുകയും ഷെല്ലാക്രമണം നടത്തുകയുമായിരുന്നു. തുടർന്ന് വൈകീട്ട്​ നാല്​ മണിയോടെ ഇന്ത്യൻ സേന തിരിച്ചടിച്ചു. പൂഞ്ച്​ മേഖലയിലെ നിയന്ത്രണരേഖയിലും പാക്​ സൈന്യം വെടിയുതിർത്തു.

ഫെബ്രുവരി 14ന്​ പാക്​ ഭീകര സംഘടനയായ ജെയ്​ഷെ മുഹമ്മദ്​ നടത്തിയ ഭീകരാക്രമണത്തിൽ 40 സി.ആർ.പി.എഫ്​ ജവാൻമാർ വീരമൃത്യു വരിച്ചിരുന്നു. 2003ലുണ്ടാക്കിയ വെടി നിർത്തൽ കരാർ പാകിസ്​താൻ നിരന്തരം ലംഘിക്കുകയാണെന്ന്​ പ്രതിരോധ വക്താവ്​ വ്യക്തമാക്കി.