മിന്നലാക്രമണത്തിനു പ്രചോദനമായത് ആർ.എസ്​.എസ് പാഠഭാഗങ്ങൾ​: പരീക്കർ

അഹ്​മദബാദ്​: ഇന്ത്യ പാകിസ്​താനിൽ നടത്തിയ മിന്നലാക്രമണത്തിന്​ സഹായിച്ചത്​ ആർ.എസ്​.എസി​െൻറ പാഠഭാഗങ്ങളാണെന്ന്​ പ്രതിരോധമന്ത്രി മനോഹർ പരീക്കർ. അഹ്​മദാബാദിലെ നിർമ യൂണിവേഴ്​സിറ്റിയി​ൽ വിദ്യാർഥികളുമായി സംവദിക്കുന്നതിനിടെയാണ്​ പരീക്കർ ഇ​ത്തര​മൊരു പരാമർശം നടത്തിയത്​. പലപ്പോഴും ഇത്തരത്തിലുള്ള ആക്രമണങ്ങൾ നടത്തുന്നതിന്​ ആയോധനപരമായ ഒരു പാരമ്പ​ര്യം വേണം. ഇതിന്​ ആർ.എസ്​.എസ്​ പഠനങ്ങളും സഹായിച്ചിട്ടുണ്ട്​ അദ്ദേഹം പറഞ്ഞു. ഇന്ത്യൻ സൈന്യത്തെ അറിയുന്ന ആരും മിന്നലാക്രമണത്തി​െൻറ തെളിവുചോദിക്കില്ലെന്നും, മികച്ച സൈന്യമാണ്​ ഇന്ത്യക്കുള്ളതെന്നും ​പരീക്കർ  അഹമദാബാദിൽ പറഞ്ഞു.
 
എന്നാൽ പ്രസതാവനക്കെതിരെ വിവിധ കോണുകളിൽ നിന്ന്​ എതിർപ്പുയർന്നു കഴിഞ്ഞു. പരിക്കറി​െൻറ ​പ്രസ്​താവനയോട്​ രൂക്ഷമായ ഭാഷയിലാണ്​ ​േകാൺഗ്രസ്​ പ്രതികരിച്ചത്​. ഇന്ത്യൻ സൈന്യത്തെ അപമാനിക്കുന്നതിനു തുല്യമാണ്​ പരീക്കറി​െൻറ പ്രസ്​താവനയെന്ന്​ ​േകാൺഗ്രസ്​ വനിതാവിഭാഗം നേതാവ്​ ശോഭ ഒാജ കുറ്റപ്പെടുത്തി.