പാർലമെൻറിൽ ബഹളം; ഇരുസഭകളും നിർത്തിവെച്ചു

ന്യൂഡൽഹി: ആന്ധ്രക്ക്​ പ്രത്യേക പദവി നൽകണ​മെന്നാവശ്യ​െപ്പട്ട്​ പ്രതിപക്ഷാംഗങ്ങൾ ബഹളം വെച്ചതിനെ തുടർന്ന്​ രാജ്യസഭയും ലോക സഭയും നിർത്തിവെച്ചു. രാജ്യസഭ രണ്ടു മണിവരെയും ലോക സഭ 12 മണിവരെയുമാണ്​ നിർത്തിവെച്ചത്​. 

ആന്ധ്രക്ക്​ പ്രത്യേക പദവി ആവശ്യപ്പെട്ട്​ തെലു​ങ്കുദേശം പാർട്ടി, വൈ.എസ്​. ആർ കോൺഗ്രസ്​ പാർട്ടി എം.പിമാർ പാർലമ​െൻറ്​ പരിസരത്ത്​ പ്രതിഷേധിച്ചിരുന്നു. തെരഞ്ഞെടുപ്പ്​ പരിഷ്​കാരത്തെ ചൊല്ലി തൃണമൂൽ കോൺഗ്രസ്​ എം.പിമാരും പ്രതിഷേധിച്ചു. ബഹളം മൂലം സഭാ നടപപടികൾ തടസപ്പെട്ടതിനെ തുടർന്ന്​ നിർത്തിവെക്കുകയായിരുന്നു.