പാർലമെന്റ് അതി​ക്രമ കേസിലെ പ്രതികളുടെ ലക്ഷ്യം രാജ്യത്ത് അരാജകത്വം സൃഷ്ടിക്കൽ; റിമാൻഡ് റിപ്പോർട്ട് പുറത്ത്

ന്യൂഡൽഹി: പാർലമെന്റ് അതിക്രമ കേസ് പ്രതികളുടെ ലക്ഷ്യം രാജ്യത്ത് അരാജകത്വം സൃഷ്ടിക്കുകയായിരുന്നുവെന്ന് ഡൽഹി പൊലീസ്. അരാജകത്വം സൃഷ്ടിച്ച് ആവശ്യങ്ങൾ സർക്കാറിനെ കൊണ്ട് അംഗീകരിപ്പിക്കുകയായിരുന്നു ലളിത് ഝായുടേയും കൂട്ടാളികളുടേയും ലക്ഷ്യമെന്നും ​പൊലീസ് റിമാൻഡ് റിപ്പോർട്ടിൽ പറയുന്നു.

അതിക്രമത്തിന്റെ യഥാർഥ കാരണം സംബന്ധിച്ച് അന്വേഷണം നടക്കുകയാണ്. ശത്രുരാജ്യങ്ങൾക്കോ ഭീകരസംഘടനകൾക്കോ സംഭവത്തിൽ പങ്കുണ്ടോയെന്നതും പരിശോധിച്ച് വരികയാണെന്നും പൊലീസ് കോടതിയെ അറിയിച്ചു. പാർലമെന്റിൽ ഡിസംബർ 13ന് നടന്ന അതിക്രമം പുനഃസൃഷ്ടിക്കാനും ഡൽഹി പൊലീസിന് പദ്ധതിയുണ്ട്. ഇതിനുള്ള അനുവാദം വൈകാതെ പൊലീസ് തേടുമെന്നാണ് റിപ്പോർട്ട്.

പാ​ർ​ല​മെ​ന്റ് ആ​ക്ര​മ​ണ കേ​സി​ൽ ര​ണ്ടു പേ​രെ കൂ​ടി ഡ​ൽ​ഹി പൊ​ലീ​സ് സ്​​പെ​ഷ​ൽ സെ​ൽ കഴിഞ്ഞ ദിവസം ക​സ്റ്റ​ഡി​യി​ലെ​ടു​ത്തിരുന്നു. അ​റ​സ്റ്റി​ലാ​യ​വ​രു​മാ​യി ബ​ന്ധ​മു​ള്ള രാ​ജ​സ്ഥാ​നി​ൽ​നി​ന്നു​ള്ള കൈ​ലാ​ശ്, മ​ഹേ​ഷ് എ​ന്നി​വ​രെ​യാ​ണ് പി​ടി​കൂ​ടി​യ​ത്. ലോ​ക്സ​ഭ​ക്ക​ക​ത്തും പു​റ​ത്തും വ​ർ​ണ​പ്പു​ക​ത്തോ​ക്ക് പൊ​ട്ടി​ച്ച​വ​രു​ടെ മൊ​ബൈ​ൽ ഫോ​ണു​ക​ൾ ക​ത്തി​ച്ചു​ക​ള​ഞ്ഞ​താ​യും പൊ​ലീ​സ് വൃ​ത്ത​ങ്ങ​ൾ പ​റ​യു​ന്നു.

അ​തേ​സ​മ​യം മു​ഖ്യ​സൂ​ത്ര​ധാ​ര​നെ​ന്ന് പൊ​ലീ​സ് വി​ശേ​ഷി​പ്പി​ക്കു​ന്ന ബി​ഹാ​ർ സ്വ​ദേ​ശി ല​ളി​ത് ഝാ​യെ ചോ​ദ്യം ചെ​യ്യാ​നാ​യി ഏ​ഴു ദി​വ​സ​ത്തെ പൊ​ലീ​സ് ക​സ്റ്റ​ഡി​യി​ൽ വി​ട്ടിരുന്നു. മ​റ്റു നാ​ലു​പേ​രെ​യും പോ​ലെ യു.​എ.​പി.​എ 16, 18 വ​കു​പ്പു​ക​ളും ഇ​ന്ത്യ​ൻ ശി​ക്ഷാ നി​യ​മം 153, 186, 120ബി, 353, 452 ​വ​കു​പ്പു​ക​ളും ല​ളി​തിനെതി​രെ​യും ചു​മ​ത്തി. കീ​ഴ​ട​ങ്ങാ​ൻ ക​ർ​ത​വ്യ​പ​ഥ് പൊ​ലീ​സ് സ്റ്റേ​ഷ​നി​ലെ​ത്തി​യ​പ്പോ​ൾ കൂ​ടെ വ​ന്ന മ​ഹേ​ഷി​നെ​യും പി​ടി​കൂ​ടു​ക​യാ​യി​രു​ന്നു​വെ​ന്നാ​ണ് പൊ​ലീ​സ് പ​റ​യു​ന്ന​ത്.