പാർലമെന്റ് സമ്മേളനത്തിന് നാളെ തുടക്കം; ഇന്ന് സർവകക്ഷി യോഗം
text_fieldsന്യൂഡൽഹി: നിലവിലെ ലോക്സഭയുടെ അവസാന സമ്മേളനം ബുധനാഴ്ച തുടങ്ങാനിരിക്കേ, സമാധാനാന്തരീക്ഷത്തിനുള്ള ശ്രമത്തിൽ ചൊവ്വാഴ്ച സർവകക്ഷി യോഗം വിളിച്ച് സർക്കാർ. പ്രതിപക്ഷ എം.പിമാർ നേരിട്ട കൂട്ട സസ്പെൻഷനിൽ കലങ്ങിയാണ് കഴിഞ്ഞ സമ്മേളനം പിരിഞ്ഞത്.
രാഷ്ട്രപതി ദ്രൗപദി മുർമു ലോക്സഭ-രാജ്യസഭാംഗങ്ങളുടെ സംയുക്ത സമ്മേളനത്തെ അഭിസംബോധന ചെയ്യുന്നതോടെയാണ് ബജറ്റ് സമ്മേളനത്തിന് തുടക്കം. വ്യാഴാഴ്ച ധനമന്ത്രി നിർമല സീതാരാമൻ ലോക്സഭയിൽ ഇടക്കാല ബജറ്റ് അവതരിപ്പിക്കും. ഈ മാസം ഒൻപതുവരെയാണ് സമ്മേളനം.
17ാം ലോക്സഭയുടെ അവസാന സമ്മേളനത്തിന് ഒമ്പതിന് തിരശ്ശീല വീഴും. ഫെബ്രുവരി പകുതിക്കു ശേഷം തെരഞ്ഞെടുപ്പു പ്രഖ്യാപനം പ്രതീക്ഷിക്കുകയാണ് പാർട്ടികൾ.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.