കൊറോണ ഭീതി: പാർലമെൻറ്​ സന്ദർശക പാസുകൾ നൽകുന്നത്​ നിർത്തി

ന്യൂഡൽഹി: രാജ്യത്ത്​ കൊറോണ വൈറസ്​ പടരുന്ന പശ്ചാത്തലത്തിൽ പാർലമ​െൻറ്​ സന്ദർശക പാസ്​ നൽകുന്നത്​ താൽകാലികമാ യി നിർത്തിവെച്ചു. ഇനിയൊരു അറിയിപ്പ്​ ഉണ്ടാകുന്നതു വരെയാണ്​ പാസ്​ വിതരണം നിർത്തിയത്​.

ലോക്​സഭ സെക്രട്ടറി ജനറൽ സ്​നേഹലത ശ്രീവാസ്​തവ ഇതുസംബന്ധിച്ച വിജ്ഞാപനത്തിൽ ഒപ്പുവെച്ചു. പബ്ലിക് ഗാലറി പാസുകളും ടെണ്ടർ അഭ്യർഥനകളും ശിപാർശ ചെയ്യരുതെന്ന് അംഗങ്ങളോട് അഭ്യർഥിക്കുന്നതായും അംഗങ്ങൾ സഹകരിക്കണമെന്നും നിർദേശത്തിൽ പറയ​ുന്നു.

കൊറോണ ഭീതി നിലനിൽക്കുന്ന സാഹചര്യത്തിൽ ബജറ്റ് സമ്മേളനം വെട്ടിക്കുറയ്ക്കണമെന്ന് കേന്ദ്രമന്ത്രി ഹർസിമ്രത്ത് കൗർ​ ഉൾപ്പെടെയുള്ള ചില എം.പിമാർ ആവശ്യപ്പെട്ടിട്ടുണ്ട്​. എന്നാൽ സർക്കാർ ഇതുവരെ ഇക്കാര്യത്തിൽ ഒരു സൂചനയും നൽകിയിട്ടില്ല. ബജറ്റ് സമ്മേളനത്തി​​െൻറ രണ്ടാം പകുതി ഏപ്രിൽ മൂന്നിന് സമാപിക്കും.