ബി.ജെ.പിയുടെ ഭിന്നിപ്പിച്ച്​ ഭരിക്കൽ ഗൂഢാലോചന നടക്കില്ലെന്ന്​ കോൺഗ്രസ്​

ഭോപ്പാൽ: മധ്യപ്രദേശിൽ പാർട്ടിയെ ഭിന്നിപ്പിച്ച്​ ഭരണം തട്ടിയെടുക്കാനുള്ള ബി.ജെ.പിയുടെ ഗൂഢാലോചന നടക്കില്ലെന്ന്​ കോൺഗ്രസ്​​. പാർട്ടി ഒരുമിച്ചാണ്​ നീങ്ങുന്നത്​​. സംസ്ഥാനത്ത്​ മുഖ്യമന്ത്രി കമൽനാഥി​​െൻറ നേതൃത്വത്തിൽ സർക്കാർ ​െഎക്യത്തോടെ മുന്നോട്ടുപോകുമെന്നും മധ്യപ്രദേശ്​ കോൺഗ്രസ്​ ട്വീറ്റ്​ ചെയ്​തു.

സംസ്ഥാനത്തെ ജനങ്ങളോട്​ ഉത്തരവാദിത്വവും ധാർമ്മികതയുമുള്ള വ്യക്തികളാണ്​ കോൺഗ്രസ്​ എം.എൽ.എമാരെന്നും പാർട്ടി ട്വീറ്റിലൂടെ വ്യക്തമാക്കുന്നു.

കോൺഗ്രസ്​ നേതാവും സംസ്ഥാന അധ്യക്ഷനുമായിരുന്ന ജ്യോതിരാദിത്യ സിന്ധ്യയും അദ്ദേഹവുമായി അടുപ്പമുള്ള 22 എം.എൽ.എമാരും കഴിഞ്ഞ ദിവസം രാജിവെച്ചിരുന്നു. ഇതോടെ കമൽനാഥ്​ സർക്കാറി​​െൻറ നിലനിൽപ്പ്​ പ്രതിസന്ധിയിലായിരിക്കുകയാണ്​.