പാട്​ന സർവകലാശാല വാർഷികം: ലാലുവും ശത്രുഘ്​നൻ സിൻഹയും വിട്ടു നിന്നു

പാട്​ന: പ്രധാനമന്ത്രി നരേന്ദ്രമോദി പ​െങ്കടുത്ത പാട്​ന സർവകലാശാലയുടെ 100ാം വാർഷിക പരിപാടികളിൽ നിന്ന് പൂർവ വിദ്യാർഥികളായ ആർ.ജെ.ഡി നേതാവ്​ ലാലു പ്രസാദ്​ യാദവും ബി.ജെ.പി നേതാവ്​ ശത്രുഘ്​നൻ സിൻഹയും വിട്ടു നിന്നു. മോദി വിരുദ്ധരായ ലാലുവിനെയും ശത്രുഘ്​നൻ സിൻഹയെയും ത​ഴഞ്ഞതാണെന്ന്​ റിപ്പോർട്ടുണ്ടായിരുന്നു. എന്നാൽ, പരിപാടിയിലേക്ക്​ ക്ഷണം ലഭിച്ചത് അവസാന നിമിഷമായതിൽ പ്രതി​േഷധിച്ചാണ്​ പരിപാടിയിൽ പ​െങ്കുടക്കാതിരുന്നത് എന്ന്​ ഇരുവരും അറിയിച്ചു​. 

ലാലു ബി.ജെ.പിയുടെ വിമർശകനാണ്​. ശത്രുഘ്​നൻ സിൻഹ​െയ പാർട്ടി ഒതുക്കി നിർത്താൻ ശ്രമിക്കുകയുമാണ്​. തനിക്ക്​ വളരെ വൈകിയാണ്​ പരിപാടിയിൽ പ​െങ്കടുക്കാൻ ക്ഷണം ലഭിച്ചത്​. അതിനാൽ പ​െങ്കടുക്കാനാകില്ല. രാജാവിനേക്കൾ വലിയ രാജഭക്​തി കണിക്കുന്നവരാണ്​ ഇതിനു പിന്നി​െലന്നും ശത്രുഘ്​നൻ സിൻഹ പറഞ്ഞു. 

പരിപാടിയിൽ പ​െങ്കടുക്കുന്ന പൂർവ വിദ്യാർഥികളായ നേതാക്കളുടെ പേരു വിവരങ്ങൾ നേരത്തെ തന്നെ സർവകലാശാല പുറത്തു വിട്ടിരുന്നു. അതോ​െടയാണ്​ വിവാദങ്ങൾക്ക്​ തുടക്കമായത്​. പൂർവ വിദ്യാർഥികളായിരുന്നിട്ടും തങ്ങൾക്ക്​ ക്ഷണം ലഭിച്ചില്ലെന്ന്​ ഇരു നേതാക്കളും പരസ്യമായി പറഞ്ഞിരുന്നു. 

മന്ത്രിമാർ തിരക്കുള്ളവരായതിനാൽ അവരെ നേരത്തെ വിളിച്ചതാ​െണന്നും ക്ഷണം നടന്നു കൊണ്ടിരിക്കുകയാണെന്നുമായിരുന്നു സർവകലാശാലയുടെ വിശദീകരണം. പിന്നീട്​ വിവാദം ഒഴിവാക്കാർ സർവകലാശാല ​വൈസ്​ ചാൻസലർ ഇരുവർക്കും വെള്ളിയാഴ്​ച ഉച്ചയോടു കൂടി ക്ഷണക്കത്ത്​ അയക്കുകയായിരുന്നു. 

സർവകലാശാലയുടെ വിദ്യാർഥി യൂണിയൻ നേതാക്കളായി കൊണ്ടാണ്​ ലാലുവും സിൻഹയും രാഷ്​ട്രീയ ജീവിതം ആരംഭിച്ചത്​. 1973ൽ വിദ്യാർഥി യൂണിയൻ പ്രസിഡൻറായി ലാലുവും ജനറൽ ​െസക്രട്ടറിയായി സിൻഹയും പ്രവർത്തിച്ചിരുന്നു.