പരസ്യങ്ങളിൽ പ്രധാനമന്ത്രിയുടെ ചിത്രം; റിലയൻസിനും പേടിഎമ്മിനും സർക്കാറി​െൻറ നോട്ടീസ്​

ന്യൂഡൽഹി:അനുമതി ഇല്ലാതെ പ്രധാനമന്ത്രിയുടെ ചിത്രം പരസ്യങ്ങളിൽ ഉപയോഗിച്ചതിന് ​ഡിജിറ്റൽ പ്ലാറ്റ്​ഫോമായ പേടിഎമ്മിനും മൊബൈൽ സേവനദാതാക്കളായ റിലയൻസ്​ ജിയോക്കും സർക്കാർ നോട്ടീസ്​ നൽകി. ​സംഭവത്തിൽ വിശദീകരണം ആവശ്യപ്പെട്ടാണ്​ നോട്ടീസ്​ നൽകിയിരിക്കുന്നത്​. ഇരു കമ്പനികളുടെയും വിശദീകരണത്തി​​െൻറ അടിസ്ഥാനത്തിൽ വരും ദിവസങ്ങളിൽ ഇവർക്കെതിരെ നടപടിയുണ്ടാവുമെന്നാണ്​ സൂചന.

കേന്ദ്രസർക്കാരിലെ രണ്ട്​ ഉദ്യോഗസ്ഥരെ ഉദ്ധരിച്ച്​ ഇക്കോണിമിക്​ ടൈംസാണ്​ ഇതു സംബന്ധിച്ച വാർത്ത പുറത്ത്​ വിട്ടത്​. സെപ്​തംബർ മാസത്തിലാണ്​ റിലയൻസ്​ ജിയോ ഇന്ത്യയിൽ ​സേവനം ആരംഭിച്ചത്​. രാജ്യത്തെ പ്രമുഖ പത്രങ്ങളുടെ മുൻ പേജിൽ  പ്രധാനമന്ത്രിയുടെ ചിത്രം ഉൾക്കൊള്ളുന്ന പരസ്യം നൽകിയാണ്​ ജിയോ ഇന്ത്യയി​ലെ പ്രവർത്തനം ആരംഭിച്ചത്​​. നവംബർ 8ാം തിയതി നോട്ട്​ പിൻവലിക്കൽ തീരുമാനം സർക്കാർ പ്രഖ്യാപിച്ചതോടെ രാജ്യത്തെ പ്രമുഖ ഇ-വാലറ്റായ പേടിഎമ്മി​​െൻറ ഉപഭോക്​തക്കൾ​ വൻതോതിൽ വർധിക്കുകയായിരുന്നു. ഇതിനെ തുടർന്ന്​ പ്രധാനമന്ത്രി നരേന്ദ്ര മോദിയുടെ ചിത്രം ഉൾപ്പെടുത്തി ​പേടിഎമ്മും പരസ്യം നൽകിയിരുന്നു.

എംബ്ലങ്ങളും പേരുകളും സംരക്ഷിക്കുന്നതിനായുള്ള 1950ലെ നിയമമനുസരിച്ചാണ്​ ഇരു കമ്പനികൾക്കെതിരെയും നടപടി എടുക്കുക.  അതുസംബന്ധിച്ച്​ സർക്കാർ വിവിധ മന്ത്രാലയങ്ങളിലെ ഉപദേശം തേടിയിരുന്നു. ഇതി​​െൻറ അടിസ്ഥാനത്തിലാണ്​ ഇരു കമ്പനികൾക്കും നോട്ടീസ്​ നൽകാൻ സർക്കാർ തീരുമാനിച്ചത്​. പ്രധാനമന്ത്രിയുടെ ചിത്രം സ്വകാര്യ കമ്പനികളുടെ പരസ്യങ്ങളിൽ വന്നതിനെതിരെ പ്രമുഖ പ്രതിപക്ഷ പാർട്ടികൾ നേരത്തെ രംഗത്തെത്തിയിരുന്നു.