പി.ഡി.പി-ബി.ജെ.പി സഖ്യം ഹിമാലയൻ മണ്ടത്തരമായിരുന്നു-ഗുലാം നബി ആസാദ്​

ന്യൂഡൽഹി: പ്രാദേശിക പാർട്ടിയായ പി.ഡി.പിയുമായി ചേർന്ന്​ ജമ്മു കശ്​മീരിൽ സർക്കാറുണ്ടാക്കുന്നത്​ ബി.ജെ.പി കാണിക്കുന്ന ഹിമാലയൻ മണ്ടത്തരമാണെന്ന​ ത​​​െൻറ വാദം ശരിയാണെന്ന് ഇപ്പോൾ​ തെളിഞ്ഞതായി കോൺഗ്രസ്​ നേതാവ്​ ഗുലാം നബി ആസാദ്​. ഇക്കാര്യം  താൻ പ്രധാനമന്ത്രിയോട്​ പാർലിമ​​െൻറിൽ വെച്ചു ത​ന്നെ പറഞ്ഞിരുന്നതായും അദ്ദേഹം വ്യക്തമാക്കി. 

ബി.ജെ.പി ജമ്മു കശ്​മീരിനെ തകർത്തു.അവർ അഴിമതിയിൽ മൂടി നിൽക്കുകയാണ്​. ബി.​െജ.പി ഇ​േപ്പാൾ ഒഴിവു കഴിവു പറയുകയാണെന്നും കശ്​മീരിലെ ജനങ്ങളുടെ ദുരിതം​ അവസാനിക്കാൻ പോവുകയാണെന്നും അദ്ദേഹം പറഞ്ഞു. 

ചൊവ്വാഴ്​ച ഉച്ചക്കു ശേഷമാണ്​ കശ്​മീരിൽ പി.ഡി​.പി സർക്കാറിനുള്ള പിന്തുണ ബി.ജെ.പി പിൻവലിക്കുന്നതായി പ്രഖ്യാപിച്ചത്​. കശ്​മീരിൽ ഭീകരവാദവും അക്രമവും വർധിക്കുന്നതായും പൗര​​​െൻറ മൗലികാവകാശം അപകടത്തിലാണെന്നും ബി.ജെ.പി ആരോപിച്ചുകൊണ്ടാണ്​ സഖ്യം അവസാനിപ്പിച്ചത്​.