ഒരു ട്രെൻഡും താൻ കാണുന്നില്ല; മധ്യ​പ്രദേശിലെ ജനങ്ങളിൽ വിശ്വാസമുണ്ട് -കമൽനാഥ്

ന്യൂഡൽഹി: തെരഞ്ഞെടുപ്പിന്റെ വോട്ടെണ്ണൽ പുരോഗമിക്കുന്നതിനിടെ മധ്യപ്രദേശിൽ നിലവിൽ ഒരു ട്രെൻഡും താൻ കാണുന്നില്ലെന്ന് കോൺഗ്രസ് നേതാവും കമൽനാഥ്. 11 മണി വരെ ഒരു ട്രെൻഡും നോക്കാൻ താനില്ല. ആത്മവിശ്വാസത്തിലാണെന്നും മധ്യപ്രദേശിലെ ജനങ്ങളിൽ വിശ്വാസമു​ണ്ടെന്നും കമൽനാഥ് പറഞ്ഞു. മധ്യപ്രദേശിൽ വോട്ടെണ്ണൽ പുരോഗമിക്കുന്നതിനിടെയാണ് അദ്ദേഹത്തിന്റെ പ്രതികരണം.

മധ്യപ്രദേശിൽ വോട്ടെണ്ണൽ പുരോഗമിക്കുന്നതിനിടെ ബി.ജെ.പിയാണ് മുന്നേറുന്നത്. വോട്ടെണ്ണലിന്റെ തുടക്കത്തിൽ കോൺഗ്രസ് മുന്നേറിയെങ്കിലും പിന്നീട് ബി.ജെ.പി ലീഡുനില തിരിച്ചു പിടിക്കുകയായിരുന്നു. ഇപ്പോൾ 100ലേറെ സീറ്റുകളിൽ ബി.ജെ.പിക്ക് ലീഡുണ്ട്. 90ലേറെ സീറ്റുകളിലാണ് കോൺഗ്രസ് മുന്നേറുന്നത്.