നിമിഷ പ്രിയയെ രക്ഷിക്കാൻ കേന്ദ്ര ഇടപെടൽ ആവശ്യപ്പെട്ട് ഹരജി
text_fieldsനിമിഷപ്രിയ
ന്യൂഡല്ഹി: യമനില് വധശിക്ഷക്ക് വിധിക്കപ്പെട്ട പാലക്കാട് കൊല്ലങ്കോട് സ്വദേശി നിമിഷ പ്രിയയുടെ ജീവന് രക്ഷിക്കാന് നയതന്ത്രതലത്തില് ഇടപെടാന് കേന്ദ്രത്തോട് നിര്ദേശിക്കണമെന്നാവശ്യപ്പെട്ട് സേവ് നിമിഷ പ്രിയ ഇന്റര്നാഷനല് ആക്ഷന് കൗണ്സിൽ ഡല്ഹി ഹൈകോടതിയിൽ ഹരജി നൽകി. വധശിക്ഷ ഒഴിവാക്കാൻ യമന് പൗരന്റെ ബന്ധുക്കള്ക്ക് നല്കേണ്ട ദിയാധനം കൈമാറാനുള്ള സംവിധാനം ഒരുക്കാന് കേന്ദ്ര സര്ക്കാറിനോട് നിര്ദേശിക്കണമെന്നും ഹരജിയിൽ ആവശ്യപ്പെട്ടു. കഴിഞ്ഞ തിങ്കളാഴ്ചയാണ് സൻആയിലെ അപ്പീല് കോടതി നിമിഷ പ്രിയയുടെ വധശിക്ഷ ശരിവെച്ചത്. വിചാരണക്കോടതി വിധിച്ച വധശിക്ഷക്കെതിരെയാണ് നിമിഷ പ്രിയ ഇന്ത്യൻ എംബസിയുടെ സഹായത്തോടെ അപ്പീൽ കോടതിയെ സമീപിച്ചത്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.