44 ദിവസത്തിനിടെ ഇന്ധന വിലവർധിപ്പിച്ചത്​ 25 തവണ, ജനങ്ങളെ പിഴിഞ്ഞ്​ സർക്കാറും എണ്ണക്കമ്പനികളും

കൊച്ചി: ​േമയ്​ നാലിനുശേഷം 44 ദിവസത്തിനിടെ 25ാമത്തെ ഇന്ധന വിലവർധനയിലൂടെ ജനത്തെ പിഴിഞ്ഞ്​ ​സർക്കാറും എണ്ണക്കമ്പനികളും. വിവിധ സംസ്ഥാനങ്ങളിലെ തെരഞ്ഞെടുപ്പിനോട്​ അനുബന്ധിച്ച്​ ഉയരാതിരുന്ന ഇന്ധനവില ശേഷം കുതിച്ചുകയറുകയായിരുന്നു. ബുധനാഴ്​ച പെട്രോളിന്​ 25 പൈസയും ഡീസലിന്​ 14 പൈസയുമാണ്​ വർധിപ്പിച്ചത്​. ഇതോടെ തിരുവനന്തപുരത്ത്​ പെട്രോൾ വില 98.70 രൂപയായി. ഡീസലിന്​ 93.93 രൂപ. എറണാകുളത്ത്​ യഥാക്രമം 96.82, 92.16 എന്നിങ്ങനെയാണ്​ വില. കോഴിക്കോട്​ 97.13, 92.48 എന്നിങ്ങനെയും. വിവിധ സംസ്ഥാനങ്ങളിൽ നേരത്തേ എണ്ണവില 100 പിന്നിട്ടിരുന്നു.

ഒരുമാസത്തിനിടെ സംസ്ഥാനത്ത്​ പെട്രോളിന്​ 4.08 രൂപയാണ്​ വർധിച്ചത്​. ഡീസലിന്​ 4.41 രൂപയും. എല്ലാ ജില്ലയിലും രണ്ടുദിനം മു​േമ്പ പ്രീമിയം പെട്രോൾ വില 100 കടന്നു. അന്താരാഷ്​ട്രതലത്തിൽ അസംസ്​കൃത എണ്ണവിലയും ഉയരുകയാണ്. യു.എസ് കരുതൽ ശേഖരം കുറഞ്ഞതും ഇറാൻ ഉപരോധം നീളുന്നതും ചൈനയിൽനിന്ന്​ ഡിമാൻഡ് വർധിച്ചതും ക്രൂഡോയിൽ വിലവർധനക്ക്​ കാരണമായെന്ന്​ പറയപ്പെടുന്നു. ബ്രെൻറ്​ ഇനത്തിന്​ വീപ്പക്ക്​ 74.68 ഡോളർ (5473.15 രൂപ) വരെ ബുധനാഴ്​ച കയറി.

പെട്രോൾ വിലയുടെ 60 ശതമാനവും ഡീസൽ വിലയുടെ 54 ശതമാനവും കേന്ദ്ര, സംസ്ഥാന നികുതികളാണ്​. കേന്ദ്രസർക്കാർ ഒരുലിറ്റർ പെട്രോളിന്​ 32.90 രൂപയും ഡീസലിന്​ 31.80 രൂപയും എക്​സൈസ്​ നികുതിയായി ഈടാക്കുന്നു. സംസ്ഥാനങ്ങളിൽ പെട്രോളിന്​ വാറ്റ്​ നികുതിയായി 21.81 രൂപയും ഡീസലിന്​ 12.5 രൂപയുമാണ്​ ചുമത്തുന്നത്​.

അന്താരാഷ്​ട്ര മാർക്കറ്റിലെ ക്രൂഡോയിലി​െൻറ 15 ദിവസത്തെ ശരാശരി വിലയും വിനിമയ നിരക്കും അളവുകോലാക്കിയാണ്​ ഇന്ത്യയിൽ ഇന്ധനവില നിശ്ചയിക്കുന്നതെന്ന്​ എണ്ണക്കമ്പനികൾ വ്യക്തമാക്കുന്നു.