ഡീസൽ വില വർധിച്ചു

ന്യൂഡൽഹി: ഇന്ധനവിലയിൽ വീണ്ടും നേരിയ വർധന. ഡീസൽ ലിറ്ററിന്​ 44 പൈസയും പെട്രോളിന്​  ഒരു പൈസയുമാണ്​ കൂടിയത്​. സംസ്​ഥാന നികുതി കൂടാതെയുള്ള വിലയാണിത്​. പുതുക്കിയ വില ഞായറാഴ്​ച അർധരാ​ത്രി മുതൽ പ്രാബല്യത്തിൽ വന്നു. ഏപ്രിൽ മാസത്തെ രണ്ടാമത്തെ വില വർധനയാണിത്​. ഏപ്രിൽ 16ന്​ പെട്രോളിന്​ 1.39 രൂപയും ഡീസലിന്​ 1.04 രൂപയും വർധിപ്പിച്ചിരുന്നു. അന്താരാഷ്​ട്ര വിപണിയിലെ ഇന്ധനവിലയും ഡോളറിനെതിരെ രൂപയുടെ മുല്യവും കണക്കാക്കിയാണ്​ ഇന്ധന വില പുതുക്കിയിരിക്കുന്നത്​.