കനത്ത മഞ്ഞു വീഴ്​ച: ബദ്രിനാഥിൽ തീർഥാടക ഹൃദയാഘാതം മൂലം മരിച്ചു

ഡെറാഡൂൺ: അതിശക്​തമായ മഞ്ഞുവീഴ്​ചതെ തുടർന്ന്​ പ്രശ്​സ്​ത തീർഥാടന കേന്ദ്രമായ ബദ്രിനാഥിൽ വനിതാ തീർഥാടക ഹൃദയാഘാതം മൂലം മരിച്ചു. കേദാർനാഥ്​ ക്ഷേത്രത്തിലായിരുന്നു അന്ത്യം. ഉത്തരാഖണ്ഡ് മുൻ​ മുഖ്യമന്ത്രി ഹരീഷ്​ റാവത്, രാജ്യ സഭാംഗം പ്രദീപ്​ താംത എന്നിവരടക്കം നൂറ്​ കണക്കിന്​ തീർഥാടകർ മഞ്ഞുവീഴ്​ചയെ തുടർന്ന്​ ക്ഷേത്രങ്ങളിൽ കുടുങ്ങിക്കിടക്കുകയാണ്​.  

കേദാർനാഥിലെ തീർഥാടകരെ സഹായിക്കാൻ സൗകര്യമൊരുക്കിയിട്ടുണ്ടെന്നും കാലാവസ്ഥ മെച്ചപ്പെടുന്നത്​ വരെ സുരക്ഷിതമായ ഇടങ്ങളിൽ പാർപ്പിച്ചിരിക്കുകയാണെന്നും രുദ്രപ്രയാഗ്​ ജില്ലാ മജിസ്ട്രേറ്റ്​ മ​േങ്കഷ്​ ഘിൽഡിയാൽ അറയിച്ചു. 

മഞ്ഞുവീഴ്​ചയെ തുടർന്ന്​ കേദാർനാഥി​ലേക്കുള്ള ഹെലിക്കോപ്​റ്റർ സേവനവും തീർഥാടകരുടെ പ്രവേശനവും നിർത്തിവെച്ചിരിക്കുകയാണ്​. ശക്​തമായ മഴയും കൊടുങ്കാറ്റും നേരിടുന്ന ഉത്തരാഖണ്ഡിൽ കാലാവസ്ഥാ നിരീക്ഷ കേന്ദ്രം നേരത്തെ മുന്നറിയിപ്പ്​ നൽകിയിരുന്നു.