പിണറായിയും ഗവർണറും ജയലളിതയെ സന്ദർശിച്ചു

ചെന്നൈ: കേരള ഗവർണർ പി. സദാശിവവും മുഖ്യമന്ത്രി പിണറായി വിജയനും തമിഴ്നാട് മുഖ്യമന്ത്രി ജയലളിതയെ സന്ദർശിച്ചു. ചെന്നൈയിലെ അപ്പോളോ ആശുപത്രിയിൽ ദിവസങ്ങളായി ചികിത്സയിൽ കഴിയുന്ന ജയലളിതയെ കാണാനായി രാവിലെ 11.20ന്റെ വിമാനത്തിലാണു ഗവർണർ യാത്ര തിരിച്ചത്.

ജയലളിതയുടെ അവസ്ഥയിൽ പുരോഗതിയുണ്ടെന്നും ഡോക്ടർമാരിൽ നിന്നും നല്ല വാർത്തകളാണ് ലഭിച്ചതെന്നും സന്ദർശനത്തിനുശേഷം ആശുപത്രിക്ക് പുറത്ത് പിണറായി വിജയൻ മാധ്യമങ്ങളോട് പ്രതികരിച്ചു.