സാങ്കേതിക വിദഗ്ധരുടെ അഭാവത്തിൽ പ്രവർത്തിക്കുന്നില്ലെന്ന്; പി.എം കെയേഴ്സ് വെൻറിലേറ്ററുകൾ ഉപയോഗശൂന്യമായി കിടക്കുന്നു
text_fieldsപട്ന: കോവിഡ് വ്യാപനം രൂക്ഷമായ സാഹചര്യത്തിൽ രാജ്യത്തെ ആശുപത്രികളിൽ വെൻറിലേറ്ററുകളുടെ ലഭ്യത വളരെ കുറവാണ്. വെൻറിലേറ്ററും ഓക്സിജൻ സിലിണ്ടറും ലഭിക്കാതെ വിവിധ സംസ്ഥാനങ്ങളിൽ ആളുകൾ മരിച്ചു വീണിരുന്നു. ഈ സാഹചര്യത്തിലാണ് ബിഹാറിലെ ജാമൂയി ജില്ലയിലെ സദർ ആശുപത്രിയിൽ പി.എം കെയേഴ്സ് ഫണ്ട് വഴി അനുവദിച്ച ആറ് വെൻറിലേറ്ററുകൾ ഉപയോഗശൂന്യമായി കിടക്കുന്നത്.
ഇവ പ്രവർത്തിപ്പിക്കാൻ കഴിയുന്ന ജോലിക്കാരെ കിട്ടാത്തുകൊണ്ടാണ് ഈ വെൻറിലേറ്ററുകൾ ഒരു വർഷമായി ഉപയോഗിക്കാനാകാതെ മൂലയിൽ കിടക്കുന്നതെന്ന് ആശുപത്രി ജീവനക്കാരൻ പറഞ്ഞു.
ബിഹാറിലെ നിരവധി സദർ ആശുപത്രികളിൽ നിന്ന് ഇതേ പരാതി ഉയർന്നതായി അദ്ദേഹം പറഞ്ഞു. ഈ വെൻറിലേറ്ററുകൾ സാങ്കേതിക വിദഗ്ധരുടെ അഭാവത്തിൽ പ്രവർത്തിക്കുന്നില്ലെന്ന് അദ്ദേഹം പറഞ്ഞു.
24 മണിക്കൂറിനിടെ 100ലേറെ പേരാണ് ബിഹാറിൽ കോവിഡ് ബാധിച്ച് മരിച്ചത്. 4439 പേരാണ് സംസ്ഥാനത്ത് ഇതുവരെ മഹാമാരിക്ക് കീഴടങ്ങിയത്. 4375 കോവിഡ് കേസുകളാണ് പുതുതായി റിപ്പോർട്ട് ചെയ്തത്. ഈ മാസം തുടക്കത്തിൽ അത് 10000 ആയിരുന്നു. കോവിഡിനോട് പൊരുതിക്കൊണ്ടിരിക്കേ നാല് വൈറ്റ് ഫംഗസ് രോഗബാധയും ബിഹാറിൽ സ്ഥിരീകരിച്ചിരുന്നു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.