ഇംറാൻ ഖാൻ പറഞ്ഞത്​ യുദ്ധത്തെ കുറിച്ച്; മോദി സമാധാന​ത്തെ കുറിച്ചും​ -ഗംഭീർ

ന്യൂഡൽഹി: പാകിസ്​താൻ പ്രധാനമന്ത്രി ഇംറാൻ ഖാൻ ഐക്യരാഷ്​ട്രസഭയിൽ നടത്തിയ യുദ്ധ ഭീഷണി പരാമർശത്തിനെതിരെ മുൻ ഇന് ത്യൻ ക്രിക്കറ്റ്​ താരവും ബി.ജെ.പി എം.പിയുമായ ഗൗതം ഗംഭീർ. ഇംറാൻ ഖാ​​െൻറ പ്രസംഗത്തേയും ഇന്ത്യൻ പ്രധാനമന്ത്രി നരേ രന്ദമോദിയുടെ പ്രസംഗത്തേയും താരതമ്യം ചെയ്​തായിരുന്നു വിമർശനം. നരേന്ദ്രമോദി ഐക്യത്തേയും സമാധാനത്തേയും കുറിച്ചും​ ഇന്ത്യയുടെ സ്വപ്​ന പദ്ധതികളേയും സാമൂഹ്യ ക്ഷേമ പരിപാടികളേയും കുറിച്ചുമാണ്​ സംസാരിച്ചതെന്ന്​ ഗംഭീർ പറഞ്ഞു.

ഓരോരുത്തർക്കും 15 മിനുട്ട്​ സമയമായിരുന്നു അനുവദിച്ചത്​. ഇൗ സമയത്തിൽ ഒരാൾ എന്തു ചെയ്യുന്നുവെന്നത്​ അയാളുടെ സ്വഭാവത്തെയും ധിഷണയേയുമാണ്​ കാണിക്കുന്നത്​. നരേന്ദ്രമോദി സമാധാനത്തേയും വികസനത്തേയും കുറിച്ച്​ സംസാരിക്കാനായി ഇൗ സമയം തെരഞ്ഞെടുത്തപ്പോൾ പാക്​ സൈന്യത്തി​​െൻറ പാവ, ആണവ യുദ്ധത്തെ കുറിച്ച്​ പറഞ്ഞ്​ ഭീഷണിപ്പെടുത്തുകയാണുണ്ടായത്​. കശ്​മീരിൽ സമാധാനം കൊണ്ടുവരുമെന്ന്​ അവകാശവാദം ഉന്നയിച്ച അതേ മനുഷ്യനാണിയാളെന്നും ഗംഭീർ ഇംറാൻ ഖാനെ പരിഹസിച്ചു.

ഇന്ത്യയുമായി യുദ്ധം പൊട്ടിപ്പുറപ്പെട്ടാൽ പാകിസ്​താനേക്കാൾ ഏഴ്​ ഇരട്ടി വലിപ്പമുള്ള ഇന്ത്യക്കെതിരെ ആണവരാജ്യമായ പാകിസ്​താന്​ മറ്റ്​​ മാർഗങ്ങളുണ്ടായേക്കില്ലെന്നും താൻ പോരാടുമെന്നും ഐക്യരാഷ്​ട്രസഭയിൽ നടത്തിയ പ്രസംഗത്തിൽ ഇംറാൻ ഖാൻ ഭീഷണിപ്പെട​ുത്തിയിരുന്നു.