ജി20 ഒരുക്കം ചർച്ച ചെയ്യാൻ സർവകക്ഷി യോഗം; ഇ​ന്ത്യ​യി​ലെ പ്ര​തി​സ​ന്ധി​ക​ൾ​ക്ക്​ ഉ​ത്ത​രം കാ​ണാ​ൻ മോ​ദി​യോ​ട്​ പ്ര​തി​പ​ക്ഷം

ന്യൂ​ഡ​ൽ​ഹി: അ​ടു​ത്ത സെ​പ്റ്റം​ബ​റി​ൽ ഡ​ൽ​ഹി​യി​ൽ ന​ട​ക്കാ​നി​രി​ക്കു​ന്ന ജി20 ​രാ​ഷ്ട്ര​നേ​താ​ക്ക​ളു​ടെ ഉ​ച്ച​കോ​ടി സം​ബ​ന്ധി​ച്ച അ​ഭി​പ്രാ​യം തേ​ടി കേ​ന്ദ്ര സ​ർ​ക്കാ​ർ. രാ​ഷ്ട്ര​പ​തി ഭ​വ​നി​ൽ പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യു​ടെ അ​ധ്യ​ക്ഷ​ത​യി​ൽ ചേ​ർ​ന്ന യോ​ഗ​ത്തി​ൽ മു​ഖ്യ​മ​ന്ത്രി​മാ​ർ, രാ​ഷ്ട്രീ​യ പാ​ർ​ട്ടി അ​ധ്യ​ക്ഷ​ന്മാ​ർ തു​ട​ങ്ങി​യ​വ​ർ പ​​ങ്കെ​ടു​ത്തു.

ഡി​സം​ബ​ർ ഒ​ന്നി​നാ​ണ്​ ജി20 ​അ​ധ്യ​ക്ഷ സ്ഥാ​ന​ത്ത്​ ഇ​ന്ത്യ എ​ത്തി​യ​ത്. ഒ​രു​വ​ർ​ഷം നീ​ളു​ന്ന പ​രി​പാ​ടി​ക​ൾ​ക്ക്​ ഒ​രു​ങ്ങു​ക​യാ​ണ്​ കേ​ന്ദ്ര സ​ർ​ക്കാ​ർ. ഇ​തി​ന്‍റെ രൂ​പ​രേ​ഖ വി​ദേ​ശ​കാ​ര്യ മ​ന്ത്രി എ​സ്. ജ​യ്​​ശ​ങ്ക​ർ യോ​ഗ​ത്തി​ൽ വി​ശ​ദീ​ക​രി​ച്ചു. മു​ഖ്യ​മ​ന്ത്രി​മാ​രാ​യ മ​മ​ത ബാ​ന​ർ​ജി, ന​വീ​ൻ പ​ട്​​നാ​യി​ക്, ഏ​ക​നാ​ഥ്​ ഷി​ൻ​ഡെ, അ​ര​വി​ന്ദ്​ കെ​ജ്​​രി​വാ​ൾ, ജ​ഗ​ൻ​മോ​ഹ​ൻ റെ​ഡ്ഡി, എം.​കെ. സ്റ്റാ​ലി​ൻ, പ്രേം​സി​ങ്​ ത​മാ​ങ്, ബി.​ജെ.​പി അ​ധ്യ​ക്ഷ​ൻ ജെ.​പി. ന​ഡ്ഡ, കോ​ൺ​ഗ്ര​സ്​ അ​ധ്യ​ക്ഷ​ൻ മ​ല്ലി​കാ​ർ​ജു​ൻ ഖാ​ർ​ഗെ, സി.​പി.​എം ജ​ന​റ​ൽ സെ​ക്ര​ട്ട​റി സീ​താ​റാം യെ​ച്ചൂ​രി, സി.​പി.​ഐ ജ​ന​റ​ൽ സെ​ക്ര​ട്ട​റി ഡി. ​രാ​ജ, ടി.​ഡി.​പി നേ​താ​വ്​ ച​ന്ദ്ര​ബാ​ബു നാ​യി​ഡു, കേ​ന്ദ്ര​മ​ന്ത്രി​മാ​രാ​യ അ​മി​ത്​ ഷാ, ​നി​ർ​മ​ല സീ​താ​രാ​മ​ൻ, രാ​ജ്​​നാ​ഥ്​​സി​ങ്​ തു​ട​ങ്ങി​യ​വ​ർ പ​​ങ്കെ​ടു​ത്തു.

2023 സെ​പ്റ്റം​ബ​ർ ഒ​മ്പ​ത്, 10 തീ​യ​തി​ക​ളി​ലാ​ണ്​ ജി20 ​ഉ​ച്ച​കോ​ടി ഡ​ൽ​ഹി​യി​ൽ ന​ട​ക്കു​ന്ന​ത്. അ​ർ​ജ​ന്‍റീ​ന, ആ​സ്​​ട്രേ​ലി​യ, ബ്ര​സീ​ൽ, കാ​ന​ഡ, ചൈ​ന, ഫ്രാ​ൻ​സ്, ജ​ർ​മ​നി, ഇ​ന്ത്യ, ഇ​ന്തോ​നേ​ഷ്യ, ഇ​റ്റ​ലി, ജ​പ്പാ​ൻ, റി​പ്പ​ബ്ലി​ക്​ ഓ​ഫ്​ കൊ​റി​യ, മെ​ക്സി​കോ, റ​ഷ്യ, സൗ​ദി അ​റേ​ബ്യ, ദ​ക്ഷി​ണാ​ഫ്രി​ക്ക, തു​ർ​ക്കി, യു.​കെ, യു.​എ​സ്, യൂ​റോ​പ്യ​ൻ യൂ​നി​യ​ൻ എ​ന്നി​വ​യാ​ണ്​ ജി20 ​അം​ഗ​രാ​ജ്യ​ങ്ങ​ൾ.

സ​മ്പ​ന്ന രാ​ജ്യ​ങ്ങ​ൾ സാ​മ്പ​ത്തി​ക പ്ര​തി​സ​ന്ധി​ക​ളു​ടെ ഭാ​രം വി​ക​സ്വ​ര രാ​ജ്യ​ങ്ങ​ളു​മാ​യി പ​ങ്കി​ടാ​ൻ ക​ണ്ടെ​ത്തി​യ ഏ​ർ​പ്പാ​ടാ​ണ്​ ജി20 ​എ​ന്ന്​ യോ​ഗ​ത്തി​ൽ സീ​താ​റാം യെ​ച്ചൂ​രി പ​റ​ഞ്ഞു. ഇ​ത്​ ഇ​ന്ത്യ​യി​ലെ സാ​മ്പ​ത്തി​ക-​സാ​മൂ​ഹി​ക വി​ഷ​യ​ങ്ങ​ളെ അ​ഭി​മു​ഖീ​ക​രി​ക്കു​ന്നി​ല്ല. ഭ​ര​ണ​ഘ​ട​ന സ​ങ്ക​ൽ​പ​ങ്ങ​ൾ​ക്ക്​ അ​നു​സൃ​ത​മാ​യി നീ​ങ്ങു​ക​യും സൗ​ഹാ​ർ​ദ​ത്തി​ന്‍റെ അ​ന്ത​രീ​ക്ഷ​മു​ണ്ടാ​ക്കി സാ​മ്പ​ത്തി​ക പു​രോ​ഗ​തി​യി​ലേ​ക്ക്​ രാ​ജ്യ​ത്തെ ന​യി​ക്കു​ക​യെ​ന്ന കാ​ത​ലാ​യ ദൗ​ത്യം പ്ര​ധാ​ന​മ​ന്ത്രി ഏ​റ്റെ​ടു​ക്ക​ണ​മെ​ന്ന്​ യെ​ച്ചൂ​രി പ​റ​ഞ്ഞു.

ജി20 ​ലോ​ഗോ​യി​ൽ താ​മ​ര ഒ​ഴി​കെ മ​റ്റേ​തെ​ങ്കി​ലും ചി​ഹ്​​നം ഉ​പ​യോ​ഗി​ക്കാ​മാ​യി​രു​ന്നു​വെ​ന്ന്​ പ​ശ്ചി​മ ബം​ഗാ​ൾ മു​ഖ്യ​മ​ന്ത്രി മ​മ​ത ബാ​ന​ർ​ജി അ​ഭി​പ്രാ​യ​പ്പെ​ട്ടു. ബി.​ജെ.​പി​യു​ടെ ചി​ഹ്​​നം കൂ​ടി​യാ​ണ്​ താ​മ​ര​യെ​ന്നി​രി​ക്കേ, അ​ത്​ ലോ​ഗോ​യി​ൽ ഉ​ൾ​പ്പെ​ടു​ത്തി​യ​തി​നെ​തി​രാ​യ വി​മ​ർ​ശ​ന​ങ്ങ​ൾ കാ​ര്യ​ഗൗ​ര​വ​മി​ല്ലാ​ത്ത​ത​ല്ലെ​ന്ന്​ മ​മ​ത പ​റ​ഞ്ഞു. ഇ​തേ​ക്കു​റി​ച്ച്​ കേ​ന്ദ്ര​സ​ർ​ക്കാ​ർ ചി​ന്തി​ക്ക​ണം. രാ​ജ്യ​ത്തി​ന്‍റെ പൊ​തു​വാ​യ കാ​ര്യ​മാ​യ​തി​നാ​ൽ കൂ​ടു​ത​ലൊ​ന്നും പ​റ​യു​ന്നി​ല്ല. രാ​ജ്യ​ത്തി​ന്​ പു​റ​ത്തേ​ക്ക്​ ച​ർ​ച്ച പോ​കു​ന്ന​ത്​ ഇ​ന്ത്യ​ക്ക്​ ഗു​ണ​ക​ര​മ​ല്ലെ​ന്നും മ​മ​ത പ​റ​ഞ്ഞു. ബി.​ജെ.​പി​യു​ടെ പ്ര​ചാ​ര​ണ​ത്തി​നാ​ണ്​ താ​മ​ര, ലോ​ഗോ​യു​ടെ ഭാ​ഗ​മാ​ക്കി​യ​തെ​ന്ന്​ നേ​ര​ത്തെ കോ​ൺ​ഗ്ര​സ്​ കു​റ്റ​പ്പെ​ടു​ത്തി​യി​രു​ന്നു. താ​മ​ര​ക്കു​മു​ക​ളി​ൽ ക​റ​ങ്ങു​ന്ന ഭൂ​ഗോ​ള​വും ദേ​ശീ​യ​പ​താ​ക​യു​ടെ നി​റ​ങ്ങ​ളും ഉ​ൾ​ച്ചേ​ർ​ന്ന​താ​ണ്​ ഇ​ന്ത്യ ത​യാ​റാ​ക്കി​യ ജി20 ​ലോ​ഗോ.

പ്ര​തീ​ക്ഷ, സൗ​ഹാ​ർ​ദം, അ​നു​താ​പം എ​ന്നി​വ​യോ​ടെ ​ആ​ഗോ​ള വെ​ല്ലു​വി​ളി​ക​ൾ കൂ​ട്ടാ​യി നേ​രി​ട​ണ​മെ​ന്നും അം​ഗ​രാ​ജ്യ​ങ്ങ​ളു​ടെ പി​ന്തു​ണ​യി​ല്ലാ​തെ ജി20 ​ഫ​ല​പ്ര​ദ​മാ​വി​ല്ലെ​ന്നും ജി20 ​രാ​ജ്യ​ങ്ങ​ളി​ലെ ഷേ​ർ​പ​ക​ളു​ടെ ആ​ദ്യ യോ​ഗ​ത്തി​ൽ ഇ​ന്ത്യ​യു​​ടെ ഷേ​ർ​പ അ​മി​താ​ഭ്​ കാ​ന്ത്​ പ​റ​ഞ്ഞു. ആ​ധാ​ർ, യു.​പി.​ഐ, അ​ക്കൗ​ണ്ടി​ലേ​ക്ക്​ നേ​രി​ട്ടു​ള്ള പ​ണ​കൈ​മാ​റ്റം എ​ന്നീ ഇ​ന്ത്യ​യു​ടെ സം​രം​ഭ​ങ്ങ​ൾ ന​ല്ലൊ​രു പ​ങ്ക്​ ജ​ന​ങ്ങ​ളെ ദാ​രി​ദ്ര്യ രേ​ഖ​ക്കു മു​ക​ളി​ൽ കൊ​ണ്ടു​വ​രാ​ൻ സ​ഹാ​യി​ച്ചെ​ന്നും അ​ദ്ദേ​ഹം വി​ല​യി​രു​ത്തി. വി​ദ്യാ​ഭ്യാ​സം, ആ​രോ​ഗ്യം, കാ​ലാ​വ​സ്ഥ മാ​റ്റം, സാ​​ങ്കേ​തി​ക പ​രി​വ​ർ​ത്ത​നം തു​ട​ങ്ങി വി​വി​ധ വി​ഷ​യ​ങ്ങ​ളി​ൽ അം​ഗ​രാ​ജ്യ​ങ്ങ​ളു​ടെ കാ​ഴ്ച​പ്പാ​ട്​ തേ​ടു​ന്ന​തി​ന്‍റെ തു​ട​ക്ക​മാ​ണ്​ ഷേ​ർ​പ യോ​ഗം.