ജോ ബൈഡന് ഫോണിലൂടെ ആശംസ നേർന്ന് മോദി; ഇന്തോ-പസഫിക് മേഖലയിലെ സഹകരണം ശക്തമാക്കും

ന്യൂഡൽഹി: യു.എസ് പ്രസിഡന്‍റ് ജോ ബൈഡനുമായി പ്രധാനമന്ത്രി നരേന്ദ്ര മോദി ഫോൺ സംഭാഷണം നടത്തി. ബൈഡന് ആശംസകൾ നേർന്നതായും ഇന്തോ-പസഫിക് മേഖലയിലെ സഹകരണം ശക്തമാക്കുമെന്നും കാലാവസ്ഥാ വ്യതിയാനത്തിനെതിരെ ഒരുമിച്ച് നീങ്ങുമെന്നും മോദി ട്വീറ്റ് ചെയ്തു.

ഇന്തോ-പസഫിക് മേഖലയിലെ സമാധാനവും സുരക്ഷയും ശക്തിപ്പെടുത്താൻ നയതന്ത്ര ബന്ധം ഉപയോഗപ്പെടുത്തും. സമാന ചിന്താഗതിയുള്ള രാഷ്ട്രങ്ങളുമായി സഹകരിച്ച് മുന്നോട്ടുപോകേണ്ടതിന്‍റെ ആവശ്യകത ഇരുനേതാക്കളും ചർച്ച ചെയ്തതായി പ്രധാനമന്ത്രിയുടെ ഓഫിസ് അറിയിച്ചു.

Spoke to @POTUS @JoeBiden and conveyed my best wishes for his success. We discussed regional issues and our shared priorities. We also agreed to further our co-operation against climate change.

— Narendra Modi (@narendramodi) February 8, 2021