വാക്​പോരിനിടെ പരസ്​പരം ഹസ്​തദാനം നടത്തി മോദിയും മൻമോഹനും VIDEO

ന്യൂഡൽഹി: ​​പ്രധാനമന്ത്രി നരേന്ദ്രമോദിയും കോൺഗ്രസ്​ നേതാവ്​ ​മൻമോഹൻ സിങും തമ്മിലുള്ള വാക്​പോരാണ് ഗുജറാത്ത്​ തെരഞ്ഞെടുപ്പിനിടെ വാർത്തകളിൽ നിറഞ്ഞ്​ നിന്നത്​. എന്നാൽ, ഇതിനിടെ ഇരുവരും തമ്മിൽ കാണുകയും ഹസ്​തദാനം ചെയ്​ത വാർത്തയുമാണ്​ ഇപ്പോൾ സാമൂഹിക മാധ്യമങ്ങളിൽ ഉൾപ്പടെ ചർച്ചയാവുന്നത്​. 

2001ലെ പാർലമ​​െൻറിലെ ആക്രമണത്തി​​​െൻറ ഒന്നാം വാർഷിക ചടങ്ങിനിടെയാണ്​ ഇരുവരും പരസ്​പരം കണ്ടത്​. വിവാദങ്ങളൊക്കെ മറന്ന്​ പരസ്​പരം ​ഹസ്​തദാനം ചെയ്യുന്ന മോദിയേയും മൻമോഹ​​​െൻറ ചിത്രങ്ങൾ സാമൂഹിക മാധ്യമങ്ങളിൽ വൈറലാണ്​​. 

നേരത്തെ, ഗുജറാത്ത്​ തെരഞ്ഞെടുപ്പിൽ കോൺ​ഗ്രസ്​ പാകിസ്​താ​​​െൻറ സഹായം തേടിയെന്ന്​ മോദിയുടെ പരാമർശം മൻമോഹനെ ചൊടിപ്പിച്ചിരുന്നു​. ഇതിനെതിരെ രൂക്ഷമായ ഭാഷയിലാണ്​ മൻമോഹൻ പ്രതികരിച്ചത്​. മോദി പരാമർശം പിൻവലിച്ച്​ മാപ്പ്​ പറയണമെന്നും രാഷ്​​ട്രീയ നേട്ടത്തിനായി മോദി കളവ്​ പ്രചരിപ്പിക്കുന്നതിൽ വേദനയുണ്ടെന്നും മൻമോഹൻ സിങ്​ പറഞ്ഞിരുന്നു.