നുഴഞ്ഞുകയറ്റക്കാരെന്ന് വിളിച്ചതിന്​ മോദി മുസ്​ലിംകളോട്​ മാപ്പുപറയണം -അമർത്യ സെൻ

ന്യൂ​ഡ​ൽ​ഹി: രാ​ജ്യ​ത്തെ മു​സ്‍ലിം​ക​ളെ നു​ഴ​ഞ്ഞു​ക​യ​റ്റ​ക്കാ​രെ​ന്ന് വി​ളി​ച്ച പ്ര​ധാ​ന​മ​ന്ത്രി ന​രേ​ന്ദ്ര മോ​ദി അ​വ​രോ​ട് മാ​പ്പു​പ​റ​യ​ണ​മെ​ന്ന് സാ​മ്പ​ത്തി​ക ശാ​സ്ത്ര​ജ്ഞ​നും ത​ത്ത്വ​ചി​ന്ത​ക​നു​മാ​യ അ​മ​ർ​ത്യ സെ​ൻ. ഓ​ൺ​ലൈ​ൻ മാ​ധ്യ​മ​മാ​യ ‘ദ ​വ​യ​റി’​ന് ന​ൽ​കി​യ അ​ഭി​മു​ഖ​ത്തി​ലാ​യി​രു​ന്നു പ​രാ​മ​ർ​ശം.

മു​സ്‌​ലിം​ക​ളെ നു​ഴ​ഞ്ഞു​ക​യ​റ്റ​ക്കാ​രെ​ന്ന് വി​ളി​ച്ച​ത് വ​ലി​യ തെ​റ്റാ​ണ്. ലോ​ക്സ​ഭ തെ​ര​ഞ്ഞെ​ടു​പ്പ് ഫ​ലം ബി.​ജെ.​പി​യു​ടെ ഹി​ന്ദു​ത്വ​രാ​ഷ്ട്ര വാ​ദ​ത്തി​നേ​റ്റ തി​രി​ച്ച​ടി​യാ​ണെ​ന്നും അ​ദ്ദേ​ഹം പ​റ​ഞ്ഞു. മു​സ്‍ലിം വി​രു​ദ്ധ പ​രാ​മ​ർ​ശ​ങ്ങ​ൾ മോ​ദി​യു​ടെ മ​ന​സ്സി​ന്റെ പ​രി​മി​തി​ക​ളെ​യാ​ണ് കാ​ണി​ക്കു​ന്ന​ത്. മു​സ്‍ലിം​ക​ളെ ഒ​ന്നാ​കെ അ​പ​മാ​നി​ക്കു​ന്ന​താ​ണ് അ​ദ്ദേ​ഹ​ത്തി​ന്റെ നി​ല​പാ​ടു​ക​ൾ. ഇ​ന്ത്യ​യെ​ക്കു​റി​ച്ചു​ള്ള അ​ദ്ദേ​ഹ​ത്തി​​ന്റെ സ​ങ്ക​ൽ​​പ​ത്തി​ൽ വ​ലി​യ ആ​ശ​ങ്ക​യു​ണ്ടെ​ന്നും അ​മ​ർ​ത്യ സെ​ൻ പ​റ​ഞ്ഞു.

ത​ന്റേ​ത് ജൈ​വി​ക ജ​ന്മ​മ​ല്ലെ​ന്നും ദൈ​വി​ക നി​യോ​ഗ​വു​മാ​യി ഭൂ​മി​യി​ലേ​ക്ക് പ​റ​ഞ്ഞ​യ​ച്ച​താ​ണെ​ന്നു​മു​ള്ള മോ​ദി​യു​ടെ അ​വ​കാ​ശ​വാ​ദം അ​സം​ബ​ന്ധ​വും വ്യാ​മോ​ഹ​വു​മാ​ണ്.

മൂ​ന്നു​വ​ട്ടം പ്ര​ധാ​ന​മ​ന്ത്രി​യെ​ന്ന നെ​ഹ്റു​വി​ന്റെ റെ​ക്കോ​ഡി​ന് തു​ല്യ​നാ​യി​യെ​ന്ന അ​ദ്ദേ​ഹ​ത്തി​​​ന്റെ അ​വ​കാ​ശ​വാ​ദം വ​ങ്ക​ത്ത​മാ​ണെ​ന്നും സെ​ൻ പ​റ​ഞ്ഞു. തെ​ര​ഞ്ഞെ​ടു​പ്പി​ലേ​റ്റ തി​രി​ച്ച​ടി​യി​ൽ പൊ​രു​ത്ത​പ്പെ​ടാ​നാ​വാ​ത്ത​തു​കൊ​ണ്ട് പ്ര​തി​പ​ക്ഷ​ത്തെ ക​ട​ന്നാ​ക്ര​മി​ക്കു​ക​യാ​ണ് മോ​ദി. എ​ന്താ​ണ് ലോ​ക​ത്ത് സം​ഭ​വി​ക്കു​ന്ന​ത് എ​ന്ന​തി​നെ​ക്കു​റി​ച്ച് പോ​ലും ധാ​ര​ണ​യി​ല്ലാ​ത്ത അ​വ​സ്ഥ​യി​ലാ​ണ് മോ​ദി​യെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു.