മോദി അസമിൽ: പ്രളയ ബാധിത പ്രദേശങ്ങൾ സന്ദർശിക്കും

ഗുഹാവത്തി: പ്രളയ ബാധിത പ്രദേശങ്ങൾ സന്ദർശിക്കുന്നതിനായി പ്രധാനമന്ത്രി നരേന്ദ്രമോദി അസമിലെത്തി. രാവിലെ ഗ​ുഹാവത്തി വിമാനത്താവളത്തിൽ എത്തിയ ​മോദി​യെ മന്ത്രിമാരും ജനപ്രതിനിധികളും സ്വീകരിച്ചു.  അസം അഡ്​മിനിസ്​ട്രേറ്റീവ്​ സ്​റ്റാഫ്​ കോളജിൽ മോദിയു​ടെ അധ്യക്ഷതയിൽ ചേരുന്ന അവലോകന യോഗത്തിൽ മുഖ്യമന്ത്രി ശർബാനന്ദ സൊനോവാളും ഉന്നതതല ഉദ്യോഗസ്ഥരും സംബന്ധിക്കും. യോഗത്തിനു ശേഷം പ്രധാനമന്ത്രി പ്രളയ ബാധിത പ്രദേശങ്ങൾ സന്ദർശിച്ച്​ സ്ഥിതിവിലയിരുത്തും.

ജൂലൈയിൽ തുടങ്ങിയ ശക്തമായ മഴയിൽ അസമിലെ 24 ജില്ലകളിലായി1,795  ഗ്രാമങ്ങൾ വെള്ളത്തിനടിയിലായിരുന്നു.   പ്രളയക്കെടുതിയിൽ തലസ്ഥാന നഗരമായ ഗുഹാവത്തിയിലെ എട്ടു പേരുൾപ്പെടെ 79 മരണമാണ്​ സംസ്ഥാനത്ത്​ റിപ്പോർട്ട്​ ചെയ്​തത്​.