മോദി മൗനി ബാബ; ഇന്ത്യയുടെ തലസ്ഥാനം വിദേശത്തേക്ക്​ മാറ്റണം-ശിവസേന

ന്യൂഡൽഹി: പ്രധാനമന്ത്രി നരേന്ദ്രമോദി മൗനി ബാബയായി മാറിയെന്ന്​ ശിവസേനയുടെ പരിഹാസം. അഭ്യന്തര പ്രശ്​നങ്ങളിൽ വിദേശത്ത്​ മാത്രമാണ്​ മോദി പ്രതികരണം നടത്തുന്നതെന്ന്​ ശിവസേന കുറ്റപ്പെടുത്തി. മുഖപത്രമായ സാമ്​നയിലെ എഡിറ്റോറിയലിലാണ്​ ശിവസേന പ്രധാനമന്ത്രിക്കെതിരെ രൂക്ഷ വിമർശനം ഉയർത്തിയിരിക്കുന്നത്​. 

മോദി വിദേശത്ത്​ മാത്രം പ്രതികരണം നടത്തുന്ന സാഹചര്യത്തിൽ ഇന്ത്യയുടെ തലസ്ഥാനം ലണ്ടൻ, ന്യൂയോർക്ക്​, ടോക്കിയോ, പാരീസ്​ തുടങ്ങിയ സ്ഥലങ്ങളിലേതെങ്കിലുമൊന്നിലേക്ക്​ മാറ്റണം. മോദി കൂടുതൽ നല്ല രീതിയിൽ സംസാരിക്കണമെന്ന മൻമോഹൻ സിങി​​​െൻറ പ്രസ്​താവനയിൽ അർധസത്യമുണ്ടെന്നും ശിവസേന വ്യക്​തമാക്കുന്നു. 

വിവാദമായ ബലാൽസംഗകേസുകളെ കുറിച്ച്​ മോദി പ്രതികരണം നടത്തിയത്​ ലണ്ടനിലാണ്​. ലോല മനസുള്ളയാളായത്​ കൊണ്ടാണ്​ മോദി വിദേശത്ത്​ പ്രതികരണം നടത്തിയതെന്നും സാമ്​നയുടെ എഡിറ്റോറിയൽ പരിഹസിക്കുന്നു. ബലാൽസംഗത്തെ രാഷ്​ട്രീയവൽക്കരിക്കരുതെന്നായിരുന്നു മോദിയുടെ പ്രസ്​താവന. എന്നാൽ നിർഭയ പ്രശ്​നമുണ്ടായപ്പോൾ ഇതിൽ നിന്ന്​ വിരുദ്ധമായ നിലപാടാണ്​ മോദി സ്വീകരിച്ചത്​. ഇന്ത്യയിലെ ബാങ്കുകളിൽ തട്ടിപ്പ്​ നടത്തിയ വിജയ്​ മല്യ ലണ്ടനിലാണ്​ ഉള്ളത്​. നീരവ്​ മോദിയും വിദേശത്താണ്​. എന്നാൽ, സ്ഥിരം വിദേശത്തുള്ള മോദി ഇവരെ തിരിച്ചെത്തിക്കാനുള്ള നീക്കങ്ങളൊന്നും നടത്തുന്നില്ലെന്നും സാമ്​നയുടെ എഡിറ്റോറിയൽ പറയുന്നു.