'ഈ ഈസ്റ്റർ പ്രത്യേകത നിറഞ്ഞതാണ്'; ആശംസയുമായി പ്രധാനമന്ത്രി

ന്യൂഡൽഹി: ഈസ്റ്റർ ആശംസകൾ നേർന്ന് പ്രധാനമന്ത്രി നരേന്ദ്ര മോദി. ജൂബിലി വർഷമായി ആചരിക്കുന്നതിനാൽ ഈ വർഷത്തെ ഈസ്റ്റർ പ്രത്യേകത നിറഞ്ഞതാണ്. എല്ലാവർക്കും അനുഗ്രഹവും സന്തോഷവും നിറഞ്ഞ ഈസ്റ്റർ ആശംസിക്കുന്നു -മോദി പറഞ്ഞു. രാജ്യത്ത് വിവിധയിടങ്ങളിൽ ക്രിസ്ത്യാനികൾക്ക് നേരെ തീവ്രഹിന്ദുത്വവാദികളുടെ ആക്രമണം നടക്കുന്നതിനിടെയാണ് പ്രധാനമന്ത്രിയുടെ ഈസ്റ്റർ ആശംസ.

'എല്ലാവർക്കും അനുഗ്രഹീതവും സന്തോഷകരവുമായ ഈസ്റ്റർ ആശംസിക്കുന്നു. ഇത്തവണ ലോകമെങ്ങും ജൂബിലി വർഷമായി ആഘോഷിക്കപ്പെടുന്നതിനാൽ ഈ ഈസ്റ്റർ സവിശേഷമാണ്. ഈ പുണ്യ സന്ദർഭം ഓരോ വ്യക്തിയിലും പ്രത്യാശയും നവീകരണവും അനുകമ്പയുമുണ്ടാക്കട്ടെ. എല്ലായിടത്തും സന്തോഷവും ഐക്യവും ഉണ്ടാകട്ടെ' -മോദി പറഞ്ഞു.

പെ​സ​ഹ വ്യാ​ഴം ആ​ച​രി​ച്ച് യേ​ശു​വി​നെ കു​രി​ശി​ലേ​റ്റി​യ​തി​ന്‍റെ സ്മ​ര​ണ പു​തു​ക്കി ദുഃ​ഖ​വെ​ള്ളി​യും ക​ഴി​ഞ്ഞ് ഉ​യി​ർ​ത്തെ​ഴു​ന്നേ​ൽ​പി​ന്‍റെ ഈ​സ്റ്റ​ർ തി​രു​നാ​ൾ ആ​ഘോ​ഷി​ക്കു​ക​യാ​ണ് ലോ​ക​മെ​മ്പാ​ടു​മു​ള്ള ക്രൈ​സ്ത​വ വി​ശ്വാ​സി​ക​ൾ.

അതേസമയം, രാജ്യതലസ്ഥാനമായ ഡൽഹിയിൽ ഈ​സ്റ്റ​ർ ആ​ഘോ​ഷ​ങ്ങ​ൾ​ക്ക് പൊ​ലീ​സ് അ​നു​മ​തി​ നൽകിയിട്ടില്ല. ഈ​സ്റ്റ​ർ ദി​ന പ്രാ​ർ​ഥ​ന​ക​ൾ​ക്കും ച​ട​ങ്ങു​ക​ൾ​ക്കും മൈ​ക്ക​ട​ക്കം സം​വി​ധാ​ന​ങ്ങ​ൾ ഉ​പ​യോ​ഗി​ക്കു​ന്ന​തി​നും പൊ​ലീ​സ് സു​ര​ക്ഷ തേ​ടി​യും ന​ൽ​കി​യ ക​ത്തി​ന് ഒ​റ്റ​വാ​ക്കി​ൽ അ​നു​മ​തി​യി​ല്ല എ​ന്നാ​ണ് ഡെ​പ്യൂ​ട്ടി ക​മീ​ഷ​ണ​ർ ഓ​ഫ് പൊ​ലീ​സ് (ഡി.​സി.​പി) മ​റു​പ​ടി നൽകിയത്.