വീണ്ടും പോക്സോ കേസ്; ചിത്രദുർഗ മുരുഗ മഠാധിപനെതിരെ അറസ്റ്റ് വാറന്റ്

ബം​ഗ​ളൂ​രു: പോ​ക്സോ കേ​സി​ൽ ജാ​മ്യ​ത്തി​ലി​റ​ങ്ങി​യ ചി​ത്ര​ദു​ർ​ഗ മു​രു​ഗ​രാ​ജേ​ന്ദ്ര മ​ഠം ത​ല​വ​ൻ ശി​വ​മൂ​ർ​ത്തി മു​രു​ഗ ശ​ര​ണ​രു​വി​നെ​തി​രെ മ​റ്റൊ​രു സ​മാ​ന കേ​സി​ൽ അ​റ​സ്റ്റ് വാ​റ​ന്റ്. ചി​ത്ര​ദു​ർ​ഗ സെ​ക്ക​ൻ​ഡ് അ​ഡീ​ഷ​ന​ൽ ഡി​സ്ട്രി​ക്ട് ആ​ൻ​ഡ് സെ​ഷ​ൻ​സ് കോ​ട​തി​യാ​ണ് തി​ങ്ക​ളാ​ഴ്ച അ​റ​സ്റ്റ് വാ​റ​ന്റ് പു​റ​പ്പെ​ടു​വി​ച്ച​ത്.

ആ​ദ്യ​ത്തെ പോ​ക്സോ കേ​സി​ൽ അ​റ​സ്റ്റി​ലാ​യി 14 മാ​സം ജ​യി​ലി​ലാ​യി​രു​ന്നു ഇ​യാ​ൾ. പി​ന്നീ​ട് നാ​ലു​ദി​വ​സം മു​മ്പാ​ണ് ഉ​പാ​ധി​ക​ളോ​ടെ ജാ​മ്യം ല​ഭി​ച്ച് പു​റ​ത്തി​റ​ങ്ങി​യ​ത്. ഇ​തി​നു​ശേ​ഷം ദാ​വ​ൻ​ഗ​രെ​യി​ലെ വി​ര​ക്ത മ​ഠ​ത്തി​ലാ​യി​രു​ന്നു താ​മ​സം. ര​ണ്ടാം പോ​ക്സോ കേ​സി​ലാ​ണ് ഇ​യാ​ളെ അ​റ​സ്റ്റ് ചെ​യ്ത് ഹാ​ജ​രാ​ക്ക​ണ​മെ​ന്ന് കോ​ട​തി വാ​റ​ന്റ് ന​ൽ​കി​യി​രി​ക്കു​ന്ന​ത്.

മ​ഠ​ത്തി​ന്റെ ഹോ​സ്റ്റ​ലി​ൽ താ​മ​സി​ക്കു​ന്ന പ്രാ​യ​പൂ​ർ​ത്തി​യാ​കാ​ത്ത ര​ണ്ടു പെ​ൺ​കു​ട്ടി​ക​ൾ ലൈം​ഗി​ക പീ​ഡ​ന​ത്തി​നി​ര​യാ​യ കേ​സി​ലാ​ണ് ഇ​യാ​ൾ 2022 സെ​പ്റ്റം​ബ​റി​ൽ അ​റ​സ്റ്റി​ലാ​കു​ന്ന​ത്. 2023 ആ​ഗ​സ്റ്റി​ൽ ര​ണ്ടു​പെ​ൺ​കു​ട്ടി​ക​ളും മ​ജി​സ്ട്രേ​റ്റി​നു​മു​ന്നി​ൽ ഹാ​ജ​രാ​യി മൊ​ഴി ന​ൽ​കി​യി​രു​ന്നു. മ​ഠ​ത്തി​ലെ ഹോ​സ്റ്റ​ൽ വാ​ർ​ഡ​നും മ​റ്റ് ര​ണ്ട് പേ​രും കേ​സി​ൽ ഉ​ൾ​പ്പെ​ട്ടി​ട്ടു​ണ്ട്. അ​തേ​സ​മ​യം, വാ​റ​ന്റി​നെ​തി​രെ ഹൈ​കോ​ട​തി​​യെ സ​മീ​പി​ക്കു​മെ​ന്ന് മ​ഠാ​ധി​പ​ന്റെ അ​ഭി​ഭാ​ഷ​ക​ർ അ​റി​യി​ച്ചു.