ഡൽഹി കലാപം: ഷിഫ ഉർ റഹ്​മാനെ പൊലീസ്​ അറസ്​റ്റ്​ ചെയ്​തു

ന്യൂഡൽഹി: ജാമിഅ മില്ലിയ അലുംനി അസോസിയേഷൻ പ്രസിഡൻറ്​ ഷിഫ ഉർ റഹ്​മാനെ ഡൽഹി പൊലീസ്​ അറസ്​റ്റ്​ ചെയ്​തു. വടക്കു കിഴക്കൻ ഡൽഹിയിൽ അരങ്ങേറിയ അക്രമങ്ങളിൽ ഗൂഢാലോചനക്കുറ്റം ചുമത്തിയാണ്​ ഡൽഹി പൊലീസ്​ സ്​​പെഷ്യൽ സെൽ ഷിഫ ഉർ റഹ്​മാനെ അറസ്​റ്റ്​ ചെയ്​തത്​.

ഞായറാഴ്​ച ചോദ്യം ചെയ്​തപ്പോൾ ലഭിച്ച നിരവധി തെളിവുകളുടെ അടിസ്ഥാനത്തിലാണ്​ ഷിഫയെ അറസ്​റ്റ്​ ചെയ്​തതെന്നാണ്​ ഡൽഹി പൊലീസിൻെറ വാദം. കോവിഡ്​ മറവിൽ ഡൽഹി പൊലീസ്​ ഒരു വിഭാഗത്തെ പ്രത്യേകമായി വേട്ടയാടുന്നുവെന്ന ആരോപണങ്ങൾക്കിടയിലാണ്​ പുതിയ അറസ്​റ്റ്​.

നേരത്തെ ജെ.എൻ.യു വിദ്യാർഥി ഷർജീൽ ഇമാമിനെതിരെ ഡൽഹി പൊലീസ്​ കുറ്റപ്പത്രം സമർപ്പിച്ചിരുന്നു രാജ്യദ്രോഹ കുറ്റമാണ്​ ​ഷർജീലിനെതിരെ ചുമത്തിയത്​. ഡിസംബർ 15ന്​ ജാമിഅ മിലിയ സർവകലാശാലയിൽ നടത്തിയ പ്രസംഗം സ്​പർധയുണ്ടാക്കുന്നതാണെന്ന്​ ആരോപിച്ചാണ്​​ ഡൽഹി ​െപാലീസ്​ ഷർജിലി​െന അറസ്​റ്റ്​ ചെയ്​തിരുന്നത്​​.