ഗുജറാത്തിന്റെ രാഷ്ട്രീയം ഹസ്മുഖ് ലാൽ പട്ടേലിന്റെ വാക്കുകളിലുണ്ട്

അ​ഹ്മ​ദാ​ബാ​ദ്: ന്യൂ ​അ​ഹ്മ​ദാ​ബാ​ദി​ലെ എ​ല്ലി​സ് ബ്രി​ഡ്ജ് പ​രി​സ​ര​ത്തു നി​ന്ന് ഗാ​ന്ധി​ന​ഗ​ർ സ​ർ​ഖേ​ജി​ലെ ബി.​ജെ.​പി കാ​ര്യാ​ല​യ​ത്തി​ലേ​ക്കു​ള്ള യാ​ത്ര​യി​ൽ ടാ​ക്സി ഡ്രൈ​വ​ർ ഹ​സ്മു​ഖ് ലാ​ൽ എം. ​പ​ട്ടേ​ൽ പ​ങ്കു​വെ​ച്ച വാ​ക്കു​ക​ളി​ലു​ണ്ട് ഗു​ജ​റാ​ത്തി​ന്റെ രാ​ഷ്ട്രീ​യം. യാ​ത്ര തു​ട​ങ്ങി അ​ൽ​പ നി​മി​ഷ​ത്തി​നു​ശേ​ഷം മൗ​ന​ത്തി​ന് അ​റു​തി വ​രു​ത്തി ചോ​ദി​ച്ചു : ‘തെ​ര​ഞ്ഞെ​ടു​പ്പ​ല്ലേ. എ​ന്താ​ണ് സ്ഥി​തി’. ആ​വേ​ശ​ത്തോ​ടെ ഹ​സ്മു​ഖ്ഭാ​യ്, താ​മ​ര പ​തി​ച്ച കാ​വി​ടാ​ഗെ​ടു​ത്ത് ഉ​യ​ർ​ത്തി​ക്കാ​ട്ടി പ​റ​ഞ്ഞു, ‘ഇ​വി​ടെ വ​ൺ സൈ​ഡ്. 26ൽ 26​ഉം ബി.​ജെ.​പി’.

പു​റ​ത്തെ ചൂ​ടി​നെ​ക്കു​റി​ച്ചും ജീ​വി​ത പ്ര​യാ​സ​ങ്ങ​ളെ​ക്കു​റി​ച്ചും തോ​ണ്ടി​യി​ട്ടു. ഹ​സ്മു​ഖ് ഭാ​യ് വാ​ചാ​ല​നാ​യി. സാ​ധാ​ര​ണ​ക്കാ​ർ നേ​രി​ടു​ന്ന പ്ര​തി​സ​ന്ധി ത​ന്റെ ജീ​വി​താ​നു​ഭ​വ​ങ്ങ​ളി​ലൂ​ടെ അ​യാ​ൾ പ​റ​ഞ്ഞു തു​ട​ങ്ങി. പാ​ച​ക​വാ​ത​കം, ഇ​ന്ധ​നം തു​ട​ങ്ങി വി​ല​ക്ക​യ​റ്റ​വും താ​ങ്ങാ​നാ​കാ​ത്ത ജീ​വി​ത ചെ​ല​വും സം​വ​ര​ണ പ്ര​ശ്ന​ങ്ങ​ളു​മെ​ല്ലാം അ​തി​ൽ നി​റ​ഞ്ഞു. ആ​ഹാ​രം ഒ​റ്റ നേ​ര​ത്തെ​ക്ക് ചു​രു​ക്കേ​ണ്ടി​വ​രു​ക​യാ​ണെ​ന്ന് അ​ദ്ദേ​ഹം പ​റ​ഞ്ഞു​നി​ർ​ത്തി.

‘ഇ​തി​നെ​ല്ലാം ഉ​ത്ത​ര​വാ​ദി ആ​രാ​ണ്. സ​ർ​ക്കാ​റ​ല്ലേ? ഭ​രി​ക്കു​ന്ന പാ​ർ​ട്ടി​യ​ല്ലേ?’.

അ​തേ എ​ന്ന് മ​റു​പ​ടി.

‘അത്തരമൊരു സ​ർ​ക്കാ​റി​നെ, പാ​ർ​ട്ടി​യെ വീ​ണ്ടു​മെ​ന്തി​നു തെ​ര​ഞ്ഞെ​ടു​ക്കു​ന്നു?’

‘സ​ർ വോ ​എ​ക് ജാ​ദൂ​ക​ർ ഹേ’ (​അ​ദ്ദേ​ഹം ഒ​രു മ​ജീ​ഷ്യ​നാ​ണ്) എ​ന്നാ​യി​രു​ന്നു ആ ​മോ​ദി ഭ​ക്ത​ന്റെ മ​റു​പ​ടി. ‘‘ബി.​ജെ.​പി​യോ​ട​ല്ല ന​രേ​ന്ദ്ര​ഭാ​യ് മോ​ദി​യോ​ടാ​ണ് പ്രി​യം. ജീ​വി​ത പ്ര​ശ്ന​ങ്ങ​ൾ മോ​ദി മാ​ജി​ക്കി​ൽ മ​റ​ന്നു​പോ​കു​ന്നു- ഹ​സ്മു​ഖ് ഭാ​യ് തു​ട​ർ​ന്നു.

പ​ട്ടേ​ൽ സ​മു​ദാ​യ​ക്കാ​ര​നാ​ണ് ഞാ​ൻ. ഹാ​ർ​ദി​ക് പ​ട്ടേ​ലി​നെ​യും പ​ടി​ദാ​ർ സ​മു​ദാ​യ​ത്തെയും വ​ഞ്ചി​ക്കു​ക​യാ​ണ് ബി.​ജെ.​പി.

പിന്നെ മ​റ്റൊ​രാ​ളെ എ​ന്തു​കൊ​ണ്ട് പ​രീ​ക്ഷി​ക്കു​ന്നി​ല്ല എ​ന്ന ചോ​ദ്യ​ത്തി​ന് ആ​രെ, കോ​ൺ​ഗ്ര​സി​നെ​യോ എ​ന്ന് മ​റു​ചോ​ദ്യം. ഇ​വി​ടെ കോ​ൺ​ഗ്ര​സി​നെ​പോ​ലും ന​യി​ക്കു​ന്ന​ത് അ​വ​രാ​ണെ​ന്ന് (മോ​ദി, ഷാ) ​പ​റ​ഞ്ഞ് ഹ​സ്മു​ഖ് ഭാ​യ് പൊ​ട്ടി​ച്ചി​രി​ച്ചു. മോ​ദി​യു​ള്ളി​ട​ത്തോ​ളം ഇ​വി​ടെ ബി.​ജെ.​പി ത​ന്നെ വാ​ഴു​മെ​ന്ന് ഹ​സ്മു​ഖ് ഭാ​യ് പ​റ​ഞ്ഞു​നി​ർ​ത്തി.