ദിവസങ്ങൾക്ക്​ മുമ്പ്​ തുറന്ന ദേശീയ പാത തകർന്നുവീണു; ഞെട്ടിക്കുന്ന വിഡിയോ വൈറൽ

ഇറ്റാനഗർ: അരുണാചൽ പ്രദേശിൽ അടുത്തിടെ തുറന്ന ദേശീയ പാതയിൽ വാഹനങ്ങൾ ഇരുവശത്തേക്കും അതിവേഗം സഞ്ചരിക്കുന്നതിന​ിടെ തകർന്നുവീണു. അരുണാചൽ തലസ്​ഥാനമായ ഇറ്റാനഗർ നഗരമധ്യത്തിലെ ഇന്ദിര ഗാന്ധി പാർക്കിനു സമീപം ഡി- സെക്​ടറിലാണ്​ സംഭവം. വാഹനങ്ങൾ ഉണ്ടായിരുന്നുവെങ്കിലും അപകടത്തിൽ പെട്ടില്ല.

നഹർലഗുൻ- ഇറ്റാനഗർ നഗരങ്ങളെ ബന്ധിപ്പിച്ച്​ നിർമിച്ച ദേശീയ പാതയിൽ അപകടത്തെ തുടർന്ന്​ ഗതാഗതം തടസ്സപ്പെട്ടു. അധികൃതർ അന്വേഷണത്തിന്​ ഉത്തരവിട്ടു.

വിശാലമായ റോഡിന്‍റെ ഒരു വശം തകർന്നുനിലംപൊത്തുന്ന ദൃശ്യങ്ങളു​ള്ള വിഡിയോ വൈറലാണ്​.