സംഘർഷം: മുഴുവൻ കേസുകളും രജിസ്റ്റർ ചെയ്യണം, ഇരകൾക്ക്​ റേഷൻ നൽകണമെന്നും കൊൽക്കത്ത ഹൈകോടതി

കൊൽക്കത്ത: തെരഞ്ഞെടുപ്പിന്​ പിന്നാലെ പശ്​ചിമബംഗാളിലുണ്ടായ സംഘർഷങ്ങളിൽ മുഴുവൻ കേസുകളും രജിസ്റ്റർ ചെയ്യണമെന്ന്​ പൊലീസിനോട്​ നിർദേശിച്ച്​ കൊൽക്കത്ത ഹൈകോടതി. സംഘർഷത്തിൽ പരിക്കേറ്റവർക്ക്​ ചികിത്സയും റേഷനും ഉറപ്പാക്കണം. റേഷൻ കാർഡ്​ ഇല്ലെങ്കിലും ഇവർക്ക്​ റേഷൻ നൽകണമെന്ന് കോടതി നിർദേശിച്ചു.

സംഘർഷവുമായി ബന്ധപ്പെട്ട മുഴുവൻ രേഖകളും കൃത്യമായി സൂക്ഷിക്കാൻ പശ്​ചിമബംഗാൾ ചീഫ്​ സെക്രട്ടറിക്ക്​ നിർദേശം നൽകി. മെയ്​ രണ്ടിന്​ തെരഞ്ഞെടുപ്പ്​ ഫലം പുറത്ത്​ വന്നതിന്​ പിന്നാലെയാണ്​ പശ്​ചിമബംഗാളിൽ വലിയ സംഘർഷങ്ങളുണ്ടായത്​.

തൃണമൂൽ കോൺഗ്രസും ബി.ജെ.പിയും തമ്മിലായിരുന്നു സംഘർഷം. ഇക്കാര്യത്തിൽ പരസ്​പരം കുറ്റപ്പെടുത്തി ഇരു പാർട്ടികളും രംഗത്തെത്തിയിരുന്നു.