ദീപക്​ മിശ്രക്കെതി​െ​ര അന്വേഷണം ആവശ്യപ്പെട്ട്​ പ്രശാന്ത്​ ഭൂഷൺ

ന്യൂഡൽഹി: മെഡിക്കൽ കോഴക്കേസിൽ ചീഫ്​ ജസ്​റ്റിസ്​ ദീപക്​ മിശ്രക്കെതിരെ അന്വേഷണം നടത്തണമെന്നാവശ്യപ്പെട്ട്​ സുപ്രീം കോടതിയിലെ മുതിർന്ന ജഡ്​ജിമാരായ ​ജെ.ചേലമേശ്വർ, രഞ്​ജൻ ഗോഗോയ്​, മദൻ ബി. ലോകൂർ, കുര്യൻ ജോസഫ്​, ജസ്​റ്റിസ്​ എ.കെ സിക്രി എന്നിവർക്ക്​​ പ്രശാന്ത്​ ഭൂഷൺ പരാതി നൽകി. 

ചീഫ്​ ജസ്​റ്റി​​​െൻറ ദുർഭരണത്തിനെതിരെ മൂന്നോ അഞ്ചോ ജഡ്​ജിമാരുൾപ്പെടുന്ന കോടതി അന്വേഷണം നടത്തണമെന്നാണ്​ പ്രശാന്ത്​ ഭൂഷ​​​െൻറ ആവശ്യം. പ്രസാദ്​ മെഡിക്കൽ ട്രസ്​റ്റ്​ അഴിമതി കേസിൽ പരമോന്നത കോടതിയെ സ്വാധീനിക്കാനും കൈക്കൂലി നൽകനും ഗൂഢാലോചന നടത്തിയെന്ന്​ സി.ബി.​െഎ എഫ്​.​െഎ. ആറിൽ ആരോപിച്ചിരുന്നു. 

വിദ്യാർഥികളെ പ്രവേശിപ്പിക്കുന്നതിന്​ എം.സി.​െഎ തടസം പറഞ്ഞ സ്​ഥാപനം, പ്രവേശനം അനുവദിച്ചു കിട്ടാൻ  അലഹാബാദ്​ ഹൈകോടതിയിലും സുപ്രീംകോടതിയിലും അപ്പീൽ നൽകുകയും ഇൗ ജഡ്​ജിമാരെ സ്വാധീനിക്കാൻ ശ്രമിക്കുകയും ചെയ്​തുവെന്നാണ്​ സി.ബി.​െഎ കേസ്​. സുപ്രീം കോടതിയിൽ സ്​ഥാപനത്തി​​​െൻറ അപ്പീൽ പരിഗണിച്ചിരുന്നത്​ ദീപക്​ മിശ്രയു​െട ബെഞ്ചായിരുന്നു.

അതിനാൽ ദീപക്​ മിശ്ര സംശത്തി​​​െൻറ നിഴലിലാണെന്നും കോഴക്കേസ്​ കേൾക്കുന്നതിൽ നിന്ന്​ അദ്ദേഹം സ്വയമേവ പിൻമാറണമെന്നുമാണ്​ പ്രശാന്ത്​ ഭൂഷൻ ആവശ്യ​പ്പെടുന്നത്​. അദ്ദേഹത്തിന് വാദം കേള്‍ക്കാനോ മറ്റൊരു ബെഞ്ചിന് കേസ് കൈമാറാനോ ഭരണപരമായി അധികാരമില്ലെന്ന് കത്തില്‍ പറയുന്നു. അദ്ദേഹത്തിനെതിരെ നേരിട്ട്​ തെളിവുകളില്ലെങ്കിലും പ്രത്യേക സാഹചര്യത്തിൽ അദ്ദേഹം വിട്ടു നിൽക്കുകയാണ്​ വേണ്ടതെന്നും പ്രശാന്ത്​ ഭൂഷൺ ചൂണ്ടിക്കാണിക്കുന്നു. 

ജഡ്​ജിമാർക്കെതിരായ പരാതി മുതിർന്ന ജഡ്​ജിമാരോ മുതിർന്ന ജഡ്​ജിമാരു​െട കൊളീജിയമോ ആണ്​ കേൾക്കേണ്ടതെന്നും പ്രശാന്ത്​ ഭൂഷൻ ആവശ്യപ്പെടുന്നു. കോഴക്കേസില്‍ അദ്ദേഹത്തിന് പങ്കാളിത്തമുണ്ടെന്ന് പറയാന്‍ ആകില്ല. ഈ സാഹചര്യങ്ങള്‍ വ്യക്തമായി അന്വേഷിക്കണമെന്നും കത്തില്‍ ആവശ്യപ്പെടുന്നു. 

മെഡിക്കൽ അഴിമതി കേസ്​ കേൾക്കുന്നതിൽ നിന്ന്​ ദീപക്​ മിശ്ര സ്വയം വിട്ടു നിൽക്കണമെന്ന്​ പ്രശാന്ത്​ ഭൂഷൺ ആവശ്യപ്പെട്ടതിനെ തുടർന്ന്​ നേരത്തെ, ചീഫ്​ ജസ്​റ്റിസുമായി തർക്കമുടലെടുത്തിരുന്നു. പ്രശാന്ത്​ ഭൂഷ​​​െൻറ ആവശ്യം ചീഫ്​ ജസ്​റ്റിസ്​ നിരസിച്ചതോടെ അദ്ദേഹം കോടതി വിട്ട്​​ പുറത്തുപോവുകയായിരുന്നു.  

പ്രസാദ് എജ്യുക്കേഷന്‍ ട്രസ്റ്റി​​​െൻറ കീഴിലുള്ള ലഖ്‌നൗവിലെ മെഡിക്കല്‍ കോളജിന് 2017 -2018 വര്‍ഷത്തേക്ക് അംഗീകാരം കിട്ടാനായി ജഡ്ജിമാര്‍ക്ക് ഉള്‍പ്പെടെ കോഴ നല്‍കി എന്നാണ് കേസ്.