'സ്വന്തം പീഡന കേസിൽ വാദം കേട്ടു, റഫാലിലും അയോധ്യയിലും സംശയാസ്​പദ വിധികളും; എന്നിട്ടിപ്പോൾ ജുഡീഷ്യറി ജീർണി​െച്ചന്ന്'​

രാജ്യത്തെ ജുഡീഷ്യറി ജീർണാവസ്ഥയിലാണെന്നും കോടതികളിൽ നീതി തേടി പോകുന്നവർ ഖേദിക്കേണ്ടിവരുമെന്നുമുള്ള മുൻ ചീഫ്​ ജസ്റ്റീസ്​ രഞ്​ജൻ ഗൊഗോയുടെ പരാമർശ​ത്തെ പരിഹസിച്ച്​ അഭിഭാഷകൻ പ്രശാന്ത്​ ഭൂഷൻ. ജുഡീഷ്യറിയെ ഇപ്പോഴത്തെ പതനത്തിൽ എത്തിക്കുന്നതിൽ പ്രധാന പങ്കുവഹിച്ചത്​ ഗൊഗോയ്​ ആണെന്ന്​ പ്രശാന്ത്​ ഭൂഷൻ ട്വിറ്ററിൽ കുറിച്ചു. സ്വന്തം പീഡന കേസിൽ വാദം കേട്ട ആളാണ്​ ഗൊഗോയ്​. റഫാൽ, അയോധ്യ കേസുകളിൽ സംശയാസ്പദമായ വിധികളും പുറപ്പെടുവിച്ചു. അസമിൽ വ്യാജ എൻ.‌ആർ.‌സി പ്രക്രിയക്ക്​ തുടക്കമിടാൻ കാരണമായതും ഗൊഗോയി ആണ്​. എന്നിട്ട്​ അദ്ദേഹം തന്നെ ജുഡീഷ്യറി ജീർണിച്ചെന്ന്​ പറയുന്നത്​ ദയനീയമാണെന്നും പ്രശാന്ത്​ ഭൂഷൻ കുറിച്ചു.

'ജുഡീഷ്യറിയെ ഇപ്പോഴത്തെ പതനത്തിൽ എത്തിക്കുന്നതിൽ പ്രധാന പങ്കുവഹിച്ചത്​ ഗൊഗോയ്​ ആണ്​. സ്വന്തം പീഡന കേസിൽ വാദം കേട്ട ആളാണ്​ അദ്ദേഹം​. റഫാൽ, അയോധ്യ കേസുകളിൽ സംശയാസ്പദമായ വിധികളും പുറപ്പെടുവിച്ചു. അസമിൽ വ്യാജ എൻ.‌ആർ.‌സി പ്രക്രിയക്ക്​ തുടക്കമിടാൻ കാരണമായയി​. എന്നിട്ട്​ അദ്ദേഹം തന്നെ ജുഡീഷ്യറി ജീർണിച്ചെന്ന്​ പറയുന്നത്​ ദയനീയമാണ്​'-പ്രശാന്ത്​ ഭൂഷൻ കുറിച്ചു. രാജ്യസഭാംഗം കൂടിയായ ഗൊഗോയ് ഇന്ത്യാടുഡേ സംഘടിപ്പിച്ച കോൺക്ലേവിലാണ്​ ജുഡീഷ്യറിയെ തരംതാഴ്​ത്തി പറഞ്ഞത്​. കോവിഡ്​ മൂലം സർവ മേഖലയിലും തകർച്ച നേരിട്ടപ്പോഴും കേസുകളുടെ വർധനകൊണ്ട്​ ജുഡീഷ്യറി 'കുതിച്ചുകയറി'യതായും അദ്ദേഹം പരിഹസിച്ചിരുന്നു. ദേശീയ ജുഡീഷ്യൽ അക്കാദമിയിൽ കടലി​‍െൻറയും സമുദ്രത്തി​‍െൻറയും നിയമങ്ങൾ പഠിപ്പിക്കുമെങ്കിലും കോടതി നടപടിക്രമ​മോ, എങ്ങനെ ഒരു വിധിന്യായം എഴുതാമെന്നോ പഠിപ്പിക്കുന്നില്ല. മികച്ച സമ്പദ്​വ്യവസ്ഥ വേണമെന്നുണ്ടെങ്കിൽ വ്യവസായിക തർക്കങ്ങൾ പരിഹരിക്കാൻ കെൽപുള്ള സംവിധാനം വേണം, ശക്തമായ ഒരു വ്യവസ്ഥയുണ്ടെങ്കിൽ മാത്രമേ നിക്ഷേപകർ മുന്നോട്ടുവരൂ.

നീതിന്യായ വ്യവസ്ഥയുടെ കാര്യക്ഷമത മെച്ചപ്പെടുത്തുന്നതിന് മാര്‍ഗരേഖ കൊണ്ടുവരണം. തനിക്കെതിരായ ലൈംഗിക ആരോപണത്തെക്കുറിച്ച്​ ലോക്​സഭയില്‍ പ്രസംഗിച്ച മെഹുവ മൊയ്ത്രക്കെതിരെ നിയമനടപടി സ്വീകരിക്കുമോ എന്ന ചോദ്യത്തിന് കോടതിയെ സമീപിച്ചാൽ അവിടെ വിഴുപ്പലക്കാമെന്നല്ലാതെ വിധി ലഭിക്കില്ല എന്നു പറഞ്ഞ ഗൊഗോയ്​ 'രാഷ്​ട്രീയക്കാരി' പറഞ്ഞ കാര്യങ്ങള്‍ ശരിയല്ലെന്നും കൂട്ടിച്ചേര്‍ത്തിരുന്നു. അയോധ്യ, റഫാൽ കേസുകളിൽ സർക്കാറിന്​ അനുകൂലമായ വിധി നൽകിയതിന്​ പാരിതോഷികമായി ലഭിച്ചതാണ്​ രാജ്യസഭ സീറ്റ്​ എന്ന ആരോപണം നിഷേധിച്ച അദ്ദേഹം വിലപേശാനാണെങ്കിൽ ഇതിലേറെ നല്ല പദവികൾ വാങ്ങാമായിരുന്നുവെന്നും ക്രിയാത്മകമായി എന്തെങ്കിലും ചെയ്യാനാണ്​ രാജ്യസഭയിലെത്തിയതെന്നും പറഞ്ഞു.

രാജ്യസഭാംഗമെന്ന നിലയിൽ ഒരു രൂപ പോലും പ്രതിഫലം വേണ്ടെന്ന്​ എഴുതി നൽകിയിരുന്നെന്നും മാധ്യമങ്ങൾ ഇക്കാര്യം ചർച്ച ചെയ്​തില്ലെന്നും അദ്ദേഹം പറഞ്ഞു. ദേശീയ പൗരത്വപ്പട്ടിക ഭാവിയിലേക്കുള്ള രേഖയാണ്​. അത്​ വിലയിരുത്തി നടപ്പാക്കണം. കോടതിക്ക്​ ചെയ്യാനാവുന്നതെല്ലാം ചെയ്​തു. പക്ഷേ, രാഷ്​ട്രീയ പാർട്ടികൾ അതുവെച്ച്​ കളിക്കുകയാണെന്നും എൻ.ആർ.സി നടപ്പാക്കുന്നതിന്​ ഇച്ഛാശക്തി പ്രകടിപ്പിക്കുന്നില്ലെന്നും ഗൊഗോയ്​ പറഞ്ഞിരുന്നു.