പ്രവാസികൾ ഇന്ത്യയുടെ ആഗോള സ്ഥാനപതിമാർ -മോദി

ഭു​വ​നേ​ശ്വ​ർ: പ്ര​വാ​സി​ക​ൾ ഇ​ന്ത്യ​യു​ടെ ആ​ഗോ​ള സ്ഥാ​ന​പ​തി​മാ​രെ​ന്ന് പ്ര​ധാ​ന​മ​ന്ത്രി ന​രേ​ന്ദ്ര മോ​ദി. ഒ​ഡി​ഷ​യി​ലെ ഭു​വ​നേ​ശ്വ​റി​ൽ 18ാമ​ത് പ്ര​വാ​സി ഭാ​ര​തീ​യ ദി​വ​സ് ക​ൺ​വെ​ൻ​ഷ​ൻ ഉ​ദ്ഘാ​ട​നം​ചെ​യ്യു​ക​യാ​യി​രു​ന്നു അ​ദ്ദേ​ഹം. ഇ​ത​ര രാ​ജ്യ​ങ്ങ​ളി​ലി​രു​ന്ന് ഇ​ന്ത്യ​യെ സേ​വി​ക്കു​ന്ന പ്ര​വാ​സി​ക​ളെ അ​ദ്ദേ​ഹം അ​ഭി​ന​ന്ദി​ച്ചു.

‘വാ​ളി​ന്‍റെ ശ​ക്തി​യാ​ൽ സാ​മ്രാ​ജ്യ​ങ്ങ​ൾ വി​ക​സി​ക്കു​ന്ന​തി​ന് ലോ​കം സാ​ക്ഷ്യം​വ​ഹി​ച്ച കാ​ല​ത്ത്, അ​ശോ​ക ച​ക്ര​വ​ർ​ത്തി സ​മാ​ധാ​ന​ത്തി​ന്‍റെ പാ​ത തി​ര​ഞ്ഞെ​ടു​ത്തു. ഇ​ത് ഇ​ന്ത്യ​യു​ടെ പൈ​തൃ​ക​ത്തി​ന്‍റെ ശ​ക്തി​യാ​ണ്. ഈ ​പൈ​തൃ​കം കാ​ര​ണം ഭാ​വി യു​ദ്ധ​ത്തി​ല​ല്ല ബു​ദ്ധ​നി​ലാ​ണെ​ന്ന് ഇ​ന്ത്യ​ക്ക് ലോ​ക​ത്തോ​ട് പ​റ​യാ​ൻ ക​ഴി​യും’.- അ​ദ്ദേ​ഹം കൂ​ട്ടി​ച്ചേ​ർ​ത്തു.

പ്ര​വാ​സി തീ​ർ​ഥ ദ​ർ​ശ​ൻ പ​ദ്ധ​തി​പ്ര​കാ​രം പ്ര​ത്യേ​ക ടൂ​റി​സ്റ്റ് ട്രെ​യി​നാ​യ പ്ര​വാ​സി ഭാ​ര​തീ​യ എ​ക്സ്പ്ര​സി​ന്റെ ഉ​ദ്ഘാ​ട​ന യാ​ത്ര​യും പ്ര​ധാ​ന​മ​ന്ത്രി ഫ്ലാ​ഗ് ഓ​ഫ് ചെ​യ്തു. ഡ​ൽ​ഹി​യി​ലെ നി​സാ​മു​ദ്ദീ​ൻ റെ​യി​ൽ​വേ സ്റ്റേ​ഷ​നി​ൽ​നി​ന്ന് പു​റ​പ്പെ​ടു​ന്ന ട്രെ​യി​ൻ, ഇ​ന്ത്യ​ൻ പ്ര​വാ​സി​ക​ളു​മാ​യി രാ​ജ്യ​ത്തു​ട​നീ​ള​മു​ള്ള മ​ത, വി​നോ​ദ​സ​ഞ്ചാ​ര കേ​ന്ദ്ര​ങ്ങ​ളി​ൽ മൂ​ന്നാ​ഴ്ച​കൊ​ണ്ട് സ​ന്ദ​ർ​ശി​ക്കും.50 രാ​ജ്യ​ങ്ങ​ളി​ൽ നി​ന്നു​ള്ള പ്ര​വാ​സി ഇ​ന്ത്യ​ക്കാ​രു​ടെ​യും ഇ​ന്ത്യ​ൻ വം​ശ​ജ​രു​ടെ​യും പ​ങ്കാ​ളി​ത്ത​ത്തി​നാ​ണ് മൂ​ന്ന് ദി​വ​സ​ത്തെ ക​ൺ​വെ​ൻ​ഷ​ൻ സാ​ക്ഷ്യം വ​ഹി​ക്കു​ന്ന​ത്.