ഗർഭിണിയായ പുലി അജ്ഞാത വാഹനമിടിച്ച്​ ചത്തു

താനെ: മഹാരാഷ്​ട്രയിൽ ഗർഭിണിയായ പുലി അജ്ഞാത വാഹനമിടിച്ച്​ ചത്തു. താനെ ജില്ലയിലെ മിറ ഭയന്തർ ടൗൺഷിപ്പിലെ കാശിമിറ പ്രദേശത്താണ്​ സംഭവം.

മുംബൈ-അഹമ്മദാബാദ്​ ദേശീയപാതയിൽ ഞായറാഴ്​ച രാത്രിയോടെയായിരുന്നു അപകടം. അജ്ഞാതവാഹനം പുലിയെ ഇടിച്ചിട്ട ശേഷം കടന്നുകളയുകയായിരുന്നു. അർധരാത്രി 12.30ഓടെ ഗുരുതരമായി പരിക്കേറ്റ പുള്ളിപുലിയെ ഫോറസ്​റ്റ്​ ഉദ്യോഗസ്​ഥർ കണ്ടെത്തി. ഉടൻ തന്നെ സഞ്​ജയ്​ ഗാന്ധി നാഷനൽ പാർക്കിൽ എത്തിച്ച്​ ചികിത്സ ആരംഭിച്ചെങ്കിലും ജീവൻ രക്ഷിക്കാനായില്ലെന്ന്​ മുതിർന്ന ഉദ്യോഗസ്​ഥൻ ജി. മല്ലികാർജ്ജുൻ പറഞ്ഞു.

പോസ്​റ്റുമോർട്ടം റിപ്പോർട്ടിൽ ശരീരത്തിൽ ഒന്നിലധികം ഒടിവുകളും പേശികളുടെ തകരാറുകളും കണ്ടെത്തിയിരുന്നു.