ഗവർണർ ഭരണം: റിപ്പോർട്ട് അയക്കുമ്പോൾ രാഷട്രപതി വിമാനത്തിൽ; മൂന്ന് മണിക്കൂറിനുള്ളിൽ അംഗീകാരം

ന്യൂഡൽഹി: ബി.​ജെ.​പി പി​ന്തു​ണ പി​ൻ​വ​ലി​ക്കു​ക​യും കാ​ലാ​വ​ധി പൂ​ർ​ത്തി​യാ​ക്കാ​തെ മ​ഹ്ബൂ​ബ മു​ഫ്തി മന്തിസഭ രാജിവെക്കുകയും ചെയ്ത സാഹചര്യത്തിൽ സംസ്ഥാനത്ത് ഗവർണർ ഭരണം ഏർപ്പെടുത്തിക്കൊണ്ടുള്ള ഉത്തരവ് ലഭിക്കുമ്പോൾ രാഷ്ട്രപതി രാംനാഥ് കോവിന്ദ് വിമാനത്തിൽ. ഗവർണർ ഭരണത്തിന്​ അനുമതി ആവശ്യപ്പെട്ട്​ സം​സ്​​ഥാ​ന ഗ​വ​ർ​ണ​ർ എ​ൻ.​എ​ൻ.​വോ​റ രാ​ഷ്​​ട്ര​പ​തി​ക്ക്​ ശിപാർശ നൽകി മൂന്ന് മണിക്കൂറിനകം തന്നെ ശിപാർശ അംഗീകരിക്കുകയായിരുന്നു. 

കഴിഞ്ഞ ദിവസം രാത്രിയാണ് റിപ്പോർട്ട് ഗവർണർ രാഷ്ടപതിക്ക് അയക്കുന്നത്. ഈ സമയം, രാഷ്ട്രപതി സുറിനാമിലേക്കുള്ള വിമാനയാത്രയിലായിരുന്നു. ഇതേതുടർന്ന് രാഷ്ട്രപതി ഭവൻ സുറിനാമിലേക്ക് റിപ്പോർട്ട് അയച്ചു നൽകുകയും പുലർച്ചെ ആറിന് തന്നെ റിപ്പോർട്ടിൽ രാഷ്ട്രപതി ഒപ്പ് വെക്കുകയും ചെയ്​തു. 40​ വ​ർ​ഷ​ത്തെ ക​ശ്​​മീ​രി​​​​​െൻറ രാ​ഷ്​​ട്രീ​യ ച​രി​ത്ര​ത്തി​ൽ എട്ടാം തവണയാണ് ഗ​വ​ർ​ണ​ർ ഭ​ര​ണ​ം ഏർപ്പെടുത്തുന്നത്.  നി​ല​വി​ൽ മു​ഖ്യ​മ​ന്ത്രി​യാ​യി​രു​ന്ന ​മ​ഹ്​​ബൂ​ബ മു​ഫ്​​തി​യു​ടെ പി​താ​വും പി.​ഡി.​പി ​നേ​താ​വു​മാ​യി​രു​ന്ന മു​ഫ്​​തി മു​ഹ​മ്മ​ദ്​ സ​ഇൗ​ദി​​​​​െൻറ സു​പ്ര​ധാ​ന രാ​ഷ്​​ട്രീ​യ നീ​ക്ക​ങ്ങ​ളാ​ണ്​ നേ​ര​ത്തെ ഏ​ഴു ത​വ​ണ​യും ഗ​വ​ർ​ണ​ർ ഭ​ര​ണ​ത്തി​ലെത്തി​ച്ച​ത്. 

സ​ഇൗ​ദി​​​​​െൻറ മ​ര​ണ​ത്തെ തു​ട​ർ​ന്ന്​​ 2016 ജ​നു​വ​രി എ​ട്ടി​നായിരുന്നു ഇതിനു മുമ്പ്​ ഗവർണർ ഭരണത്തിന്​​ വ​ഴി​യൊ​രു​ങ്ങി​യ​ത്. നാ​ലു​ദി​നം നീ​ണ്ട ദുഃ​ഖാ​ച​ര​ണ ച​ട​ങ്ങി​നു​ശേ​ഷം പി.​ഡി.​പി-​ബി.​ജെ.​പി സ​ഖ്യം സ​ർ​ക്കാ​ർ രൂ​പ​വ​ത്​​ക​ര​ണ​ത്തെ​ച്ചൊ​ല്ലി ​തെ​റ്റി​പ്പി​രി​ഞ്ഞ​പ്പോ​ഴാ​യി​രു​ന്നു ഇ​ത്. ആ​ദ്യ​മാ​യി ഗ​വ​ർ​ണ​റു​ടെ ഭ​ര​ണ​ത്തി​ൻ കീ​ഴി​ൽ ക​ശ്​​മീ​ർ വ​ന്ന​ത്​ 1977 മാ​ർ​ച്ച്​ 26നാ​യി​രു​ന്നു.  

അതേസമയം, ഗ​വ​ർ​ണ​ർ എ​ൻ.​എ​ൻ.​വോ​റയുടെ കാലാവധി ജൂൺ 27ന് അവസാനിക്കാനിരിക്കുകയാണ്. എന്നാൽ അമർനാഥ് യാത്രയുടെ പശ്ചാതലത്തിൽ അദ്ദേഹത്തിന്‍റെ കാലാവധി മൂന്ന് മാസമോ, ആറ് മാസമോ നീട്ടി നൽകാനും ഇടയുണ്ട്. അതിനായി കേന്ദ്ര സർക്കാർ നീക്കം നടത്തുന്നതായി റിപ്പോർട്ടുകൾ പുറത്തുവരുന്നുണ്ട്.