ഇവാൻകക്ക്​ ലോകത്തെ ഏറ്റവും വലിയ ഉൗണുമുറിയിൽ അത്താ​ഴമൊരുക്കി മോദി

ഹൈദരാബാദ്: അമേരിക്കൻ പ്രസിഡൻറ്​ ​ഡോണൾഡ്​ ട്രംപി​​െൻറ മകളും ഉപദേഷ്​ടാവുമായ ഇവാൻകാ ട്രംപിന്​ ലോകത്തെ ഏറ്റവും വലിയ ഉൗണുമുറിയിൽ അത്താഴമൊരുക്കി പ്രധാനമന്ത്രി നരേന്ദ്രമോദി. ഗ്ലോബല്‍ എൻറര്‍പ്രെനര്‍ഷിപ്പ് സമ്മിറ്റി​​െൻറ ഭാഗമായി ഇന്ത്യയിലെത്തുന്ന ഇവാൻകക്ക്​ ഹൈദരാബാദിലെ ഫലക്‌നുമാ കൊട്ടാരത്തിലാണ്​ അത്താഴവിരുന്ന്​ ഒരുക്കുന്നത്​. നവംബർ 28 നാണ്​ ത്രിദിന ഉച്ചകോടി ഹൈദരാബാദിൽ ആരംഭിക്കുക.  

ഹൈദരാബാദ്​ നൈസാമി​​െൻറ ഫലക്‌നുമാ കൊട്ടാരത്തിലെ ഉൗണുമുറി ലോകത്തിലെ ഏറ്റവും വലിയ ഭക്ഷണമുറിയെന്ന ഖ്യാതി നേടിയതാണ്​.  100 അതിഥികളെ ഉള്‍ക്കൊള്ളാവുന്ന 108 അടി നീളമുള്ള തീന്‍മേശയാണ് ഭക്ഷണമുറിയിലുള്ളത്. ഹൈദരാബാദി ബിരിയാണി ഉള്‍പ്പെടെയുള്ള റോയൽ മെനുവും ഇന്ത്യയിലെ വിവിധഭാഗങ്ങളില്‍നിന്നുള്ള ഭക്ഷണങ്ങളും അത്താഴവിരുന്നിന് ഉള്‍പ്പെടുത്തിയിട്ടുണ്ട്.

രണ്ട് വിരുന്നുകളാണ് കൊട്ടാരത്തിൽ​സംഘടിപ്പിക്കുന്നത്. ഏറ്റവും പ്രാധാന്യമുള്ള അതിഥികള്‍ക്ക് 101-ാം നമ്പർ ഭക്ഷണമുറിയിലും മറ്റ് പ്രതിനിധികള്‍ക്ക് പുറത്തുമാകും അത്താഴവിരുന്നു ലഭിക്കുക. രണ്ടിടത്തും വിളമ്പുന്നത് ഒരേ ഭക്ഷണമായിരിക്കും. ഇന്ത്യയുടെ സാംസ്‌കാരിക പൈതൃകം വ്യക്തമാക്കുന്ന കലാപരിപാടികളും വിരുന്നിനു ശേഷം അരങ്ങേറും.

ഇവാൻകയെ കൂടാതെ മറ്റ്​ രാജ്യങ്ങളിൽ നിന്നുള്ള നൂറോളം പ്രതിനിധികളും ഇന്ത്യയിലെത്തും.