ഭീകരതയോട്​ അനുരഞ്​ജനമില്ല; ബലാത്സംഗത്തെ രാഷ്​ട്രീയവത്​കരിക്കരുത് -പ്രധാനമന്ത്രി

ലണ്ടൻ: ഭീകരത കയറ്റിയയക്കാനുള്ള ശ്രമം അനുവദിക്കില്ലെന്നും അതിന്​ ശക്തമായ മറുപടിയുണ്ടാകുമെന്നും പ്രധാനമന്ത്രി ​നരേന്ദ്ര മോദി. ലണ്ടനിലെ വെസ്​റ്റ്​മിൻസ്​റ്റർ സെൻട്രൽ ഹാളിൽ ഇന്ത്യൻ സമൂഹത്തെ അഭിസംബോധന ചെയ്യുകയായിരുന്നു അദ്ദേഹം. 2016ൽ ഇന്ത്യ അതിർത്തി നിയന്ത്രണരേഖ കടന്ന്​ നടത്തിയ മിന്നലാക്രമണം പരാമർശിക്കവെയാണ്​ മോദി പാകിസ്​താനെ സൂചിപ്പിച്ച്​ ഇക്കാര്യം പറഞ്ഞത്​. ഭീകരത കയറ്റുമതി ചെയ്യുന്ന പണിശാലകളുണ്ടാക്കി പിന്നിൽ നിന്ന്​ ആക്രമണം നടത്താൻ ശ്രമിക്കുന്നവർക്ക്​ അതേ നാണയത്തിൽ മറുപടി നൽകും. ഇന്ത്യ മാറിയെന്ന കാര്യം അവരുടെ ശ്രദ്ധയിൽ പെടുത്താൻ ആഗ്രഹിക്കുകയാണ്​. രാജ്യം സമാധാനമാണ്​ ആഗ്രഹിക്കുന്നത്​. എന്നാൽ, ഭീകര​തയോട്​ അനുരഞ്​ജനമില്ലെന്നും മോദി വ്യക്തമാക്കി.

ഇൗ സർക്കാർ അധികാരത്തിൽവന്ന കാലത്തെ അവസ്​ഥയുമായി താരതമ്യം ചെയ്യു​േമ്പാൾ, ഞങ്ങളുടെ സർക്കാർ ചെയ്​ത പ്രവൃത്തികൾ എന്താണെന്ന്​ ജനത്തിന്​ മനസ്സിലാകും. ജനങ്ങളിൽ എനിക്ക്​ പൂർണ വിശ്വാസമുണ്ട്​. എന്നെ മാത്രം വിമർശിക്കുന്നതിൽ സന്തോഷമേയുള്ളൂ. എന്നാൽ, ജനങ്ങളെയാകെ വിമർശിക്കരുത്​. ഇന്ത്യയിൽ ദശലക്ഷക്കണക്കിന്​ പ്രശ്​നങ്ങളുണ്ടെങ്കിൽ, അത്രതന്നെ പരിഹാരങ്ങളുമുണ്ട്​. 

ഞാൻ നിങ്ങളെപ്പോലെ ഒരു സാധാരണ മനുഷ്യനാണ്​. പിന്നീട്​ പ്രധാനമന്ത്രിയായി. ഏതെങ്കിലും പ്രശസ്​തനായ ആളുടെ കൊച്ചുമകനോ, മകനോ ആയതി​​​​െൻറ പേരിലല്ല പ്രധാനമന്ത്രിയായത്​. രാജ്യത്തെ 18,000 ഗ്രാമങ്ങളിൽ വൈദ്യുതിയില്ല. പലയിടത്തും ശൗചാലയങ്ങളില്ല. ഇതെല്ലാം ഉറക്കം നഷ്​ടപ്പെടുത്തുന്ന യാഥാർഥ്യങ്ങളാണ്​. ഇന്ത്യയിലെ പാവങ്ങളുടെ ജീവിതത്തിൽ ക്രിയാത്മക മാറ്റങ്ങൾ വരുത്താൻ ഞാൻ പ്രതിജ്​ഞാബദ്ധനാണ്​. വിവിധ സർക്കാറുകളുടെ കാലത്തുണ്ടായ ബലാത്സംഗങ്ങളുടെ എണ്ണം താരതമ്യപ്പെടുത്തിയിട്ടില്ല. ബലാത്സംഗം ബലാത്സംഗമാണ് ​-എപ്പോൾ നടന്നാലും. അത്​ വളരെ സങ്കടകരമാണ്​. ബലാത്സംഗത്തെ രാഷ്​ട്രീയവത്​കരിക്കരുതെന്നും മോദി പറഞ്ഞു.

ജനം വിചാരിച്ചാൽ, ഒരു ചായക്കാര​​​​െൻറ മകനും പ്രധാനമന്ത്രിയാകാമെന്നും അതാണ്​ ഇന്ത്യൻ ജനാധിപത്യത്തി​​​​െൻറ കരുത്തെന്നും പറഞ്ഞ മോദി, താൻ ആദി ശങ്കര​​​​െൻറ തത്ത്വങ്ങൾ പിന്തുടരുന്ന ആളാണെന്നും വ്യക്തമാക്കി.