സ്വ​കാ​ര്യ​ത മൗ​ലി​കാ​വ​കാ​ശം: വിധി സ്വാഗതംചെയ്ത് നിയമവിദഗ്ധർ

ന്യൂ​ഡ​ൽ​ഹി: സ്വ​കാ​ര്യ​ത മൗ​ലി​കാ​വ​കാ​ശ​മാ​ക്കി​ക്കൊ​ണ്ടു​ള്ള സു​പ്രീം​കോ​ട​തി​യു​ടെ സു​പ്ര​ധാ​ന വി​ധി​യെ സ്വാ​ഗ​തം​ചെ​യ്ത്​ നി​യ​മ​ജ്ഞ​രും മു​തി​ർ​ന്ന അ​ഭി​ഭാ​ഷ​ക​രും. വ്യാ​ഴാ​ഴ്​​ച സു​പ്രീം​കോ​ട​തി​യി​ൽ​നി​ന്നു​ണ്ടാ​യ വി​ധി പു​രോ​ഗ​മ​ന​പ​ര​മാ​ണെ​ന്ന് നി​യ​മ​ജ്ഞ​ർ വി​ല​യി​രു​ത്തി. സു​പ്രീം​കോ​ട​തി​യു​ടെ മു​ൻ വി​ധി​ക​ളെ മ​റി​ക​ട​ക്കാ​ൻ മ​ടി​ച്ചു​നി​ൽ​ക്കാ​തെ ഒ​മ്പ​ത് ജ​ഡ്ജി​മാ​രു​ടെ ഐ​ക​ക​ണ്​​ഠ്യേ​ന​യു​ള്ള വി​ധി കോ​ട​തി​യു​ടെ ന​ല്ല സ​മീ​പ​ന​മാ​ണെ​ന്ന് മു​ൻ അ​​റ്റോ​ണി ജ​ന​റ​ൽ സോ​ളി സൊ​റാ​ബ്ജി പ​റ​ഞ്ഞു. വി​ധി ആ​ഘോ​ഷി​ക്ക​പ്പെ​ടേ​ണ്ട​താ​ണെ​ന്ന്​ മു​തി​ർ​ന്ന അ​ഭി​ഭാ​ഷ​ക ഇ​ന്ദി​ര ജെ​യ്സി​ങ്​ അ​ഭി​പ്രാ​യ​പ്പെ​ട്ടു. സ്വ​കാ​ര്യ​ത മൗ​ലി​ക​മാ​ണ്. അ​തി​ന് ദൈ​നം​ദി​ന ജീ​വി​ത​ത്തി​ൽ വ​ലി​യ സ്വാ​ധീ​ന​മു​ണ്ട്. എ​ല്ലാ​ത​ര​ത്തി​ലു​ള്ള അ​നാ​വ​ശ്യ ഇ​ട​പെ​ട​ലു​ക​ളെ​യും അ​ത് ത​ട​യു​മെ​ന്നും -അ​വ​ർ പ​റ​ഞ്ഞു.

ച​രി​ത്ര​പ​ര​മാ​യ വി​ധി​യാ​ണി​തെ​ന്ന്​ മു​തി​ർ​ന്ന അ​ഭി​ഭാ​ഷ​ക​ൻ പ്ര​ശാ​ന്ത്​ ഭൂ​ഷ​ൺ പ​റ​ഞ്ഞു. സ്വ​കാ​ര്യ​ത മൗ​ലി​കാ​വ​കാ​ശ​മ​ല്ല എ​ന്ന കേ​ന്ദ്ര സ​ർ​ക്കാ​റി​​െൻറ വാ​ദ​ത്തി​നെ​തി​രാ​യ വി​ധി​യാ​ണി​ത്. ഇ​നി മൗ​ലി​കാ​വ​കാ​ശം നി​യ​ന്ത്രി​ക്കാ​ൻ സ​ര്‍ക്കാ​ര്‍ കൊ​ണ്ടു​വ​രു​ന്ന ഏ​ത് നി​യ​മ​വും ഭ​ര​ണ​ഘ​ട​ന​യു​ടെ 21ാം വ​കു​പ്പി​നെ ആ​ധാ​ര​മാ​ക്കി കോ​ട​തി​ക്ക് പ​രി​ശോ​ധി​ക്കേ​ണ്ടി​വ​രു​മെ​ന്നും അ​ദ്ദേ​ഹം വ്യ​ക്​​ത​മാ​ക്കി. ത​​െൻറ ശ​രീ​ര​ത്തി​േ​ൻ​റ​യും മ​ന​സ്സി​േ​ൻ​റ​യും ഉ​ട​മ താ​ൻ​ത​ന്നെ​യാ​ണെ​ന്ന പൗ​ര​​െൻറ അ​വ​കാ​​ശ​ത്തെ ഉ​യ​ർ​ത്തി​പ്പി​ടി​ക്കു​ന്ന വി​ധി​യാ​ണി​തെ​ന്ന്​ മു​തി​ർ​ന്ന അ​ഭി​ഭാ​ഷ​ക​ൻ കെ.​ടി.​എ​സ്. തു​ള​സി. ന​ല്ല വി​ധി​യാ​ണെ​ന്നും സ്വാ​ഗ​തം ചെ​യ്യ​പ്പെ​ടേ​ണ്ട​താ​ണെ​ന്നും -ബി.​ജെ.​പി വ​ക്​​താ​വും മു​തി​ർ​ന്ന അ​ഭി​ഭാ​ഷ​ക​നു​മാ​യ അ​മ​ൻ സി​ൻ​ഹ. മ​റ്റെ​ല്ലാ മൗ​ലി​കാ​വ​കാ​ശ​ങ്ങ​ളെ​യും​പോ​ലെ ഇ​തും ചി​ല നി​ബ​ന്ധ​ന​ക​ൾ​ക്ക്​ വി​ധേ​യ​മാ​െ​ണ​ന്നും​ സി​ൻ​ഹ പ​റ​ഞ്ഞു.

പു​തു​യു​ഗ​ത്തി​​െൻറ തു​ട​ക്കം –സോ​ണി​യ
ന്യൂ​ഡ​ൽ​ഹി: രാ​ജ്യ​ത്തെ പൗ​ര​ന്മാ​രു​ടെ അ​ന്ത​സ്സ്​ ഉ​യ​ർ​ത്തി​പ്പി​ടി​ക്കു​ന്ന വി​ധി​യെ കോ​ൺ​ഗ്ര​സ്​ ​അ​ധ്യ​ക്ഷ ​സോ​ണി​യ ഗാ​ന്ധി സ്വാ​ഗ​തം​ചെ​യ്​​തു. വ്യ​ക്​​തി​ക​ളു​ടെ അ​വ​കാ​ശ​ത്തി​​​െൻറ കാ​ര്യ​ത്തി​ൽ  ഇ​ത്​ പു​തു​യു​ഗ​ത്തി​​െൻറ തു​ട​ക്ക​മാ​ണ്. രാ​ഷ്​​ട്ര​വും വി​വി​ധ സ​ർ​ക്കാ​ർ ഏ​ജ​ൻ​സി​ക​ളും സാ​ധാ​ര​ണ​ക്കാ​ര​​െൻറ ജീ​വി​ത​ത്തി​നു​മേ​ൽ ന​ട​ത്തു​ന്ന അ​നി​യ​ന്ത്രി​ത​മാ​യ ക​ട​ന്നു​ക​യ​റ്റ​ത്തി​നും നി​രീ​ക്ഷ​ണ​ത്തി​നും ക​ന​ത്ത തി​രി​ച്ച​ടി​യാ​ണി​ത്. അ​വ​കാ​ശ സം​ര​ക്ഷ​ണ​ത്തി​നു​വേ​ണ്ടി​യും അ​തി​നെ ഇ​ല്ലാ​താ​ക്കാ​നു​ള്ള കേ​ന്ദ്ര സ​ർ​ക്കാ​റി​​െൻറ ധി​ക്കാ​ര​പ​ര​മാ​യ ശ്ര​മ​ത്തി​നെ​തി​രെ​യും കോ​ൺ​ഗ്ര​സ്​ മ​റ്റു പ്ര​തി​പ​ക്ഷ പാ​ർ​ട്ടി​ക​ൾ​ക്കൊ​പ്പം പാ​ർ​ല​മ​െൻറി​ലും പു​റ​ത്തും ശ​ക്​​ത​മാ​യി നി​ല​കൊ​ണ്ടി​ട്ടു​ണ്ട്. കോ​ൺ​ഗ്ര​സ്​ ഭ​രി​ക്കു​ന്ന സം​സ്​​ഥാ​ന​ങ്ങ​ളും ഇ​തേ നി​ല​പാ​ട്​ സ്വീ​ക​രി​ച്ചു -സോ​ണി​യ പ്ര​സ്​​താ​വ​ന​യി​ൽ പ​റ​ഞ്ഞു.

സ്വ​കാ​ര്യ വി​വ​ര ദു​രു​പ​യോ​ഗം ത​ട​യു​ന്ന വി​ധി –സി.​പി.​എം
ന്യൂ​ഡ​ൽ​ഹി: സ്വ​കാ​ര്യ​ത മൗ​ലി​കാ​വ​കാ​ശ​മാ​ണെ​ന്ന്​ പ്ര​ഖ്യാ​പി​ച്ച സു​പ്രീം​കോ​ട​തി വി​ധി സി.​പി.​എം പോ​ളി​റ്റ്​​ബ്യൂ​റോ സ്വാ​ഗ​തം​ചെ​യ്​​തു. കോ​ട​തി​വി​ധി സ്വ​കാ​ര്യ​വി​വ​ര​ങ്ങ​ൾ ദു​രു​പ​യോ​ഗ​​​പ്പെ​ടു​ത്തു​ന്ന​ത്​ ത​ട​യു​മെ​ന്നാ​ണ്​ പ്ര​തീ​ക്ഷ. വ്യ​ക്​​തി​ക​ളു​ടെ സ്വ​കാ​ര്യ​ത​യി​ലേ​ക്കു​ള്ള നു​ഴ​ഞ്ഞു​ക​യ​റ്റം ത​ട​യാ​ൻ വി​ധി വ​ഴി​യൊ​രു​ക്കും -പോ​ളി​റ്റ്​ ബ്യൂ​റോ പ്ര​സ്​​താ​വ​ന​യി​ൽ പ​റ​ഞ്ഞു.

നിയമനിർമാണം ഇല്ലാതെ ആധാർ; യു.പി.എയെ കുറ്റപ്പെടുത്തി ജെയ്​റ്റ്​ലി
ന്യൂ​ഡ​ൽ​ഹി:  നി​യ​മ​നി​ർ​മാ​ണം ഇ​ല്ലാ​ത ആ​ധാ​ർ കാ​ർ​ഡ്​  കൊ​ണ്ടു​വ​ന്ന​തി​ന് ​ മു​ൻ  യു.​പി.​എ സ​ർ​ക്കാ​റി​​നെ കു​റ്റ​പ്പെ​ടു​ത്തി കേ​​ന്ദ്ര ധ​ന​മ​ന്ത്രി അ​രു​ൺ ജെ​യ്​​റ്റ്​​ലി.  പ്ര​ത്യേ​ക നി​യ​മ​മോ സം​ര​ക്ഷ​ണ  സം​വി​ധാ​ന​ങ്ങ​ളോ ഇ​ല്ലാ​തെ​യാ​ണ്​  ബ​യോ​മെ​ട്രി​ക്​ ​തി​രി​ച്ച​റി​യ​ൽ കാ​ർ​ഡി​ന്​  തു​ട​ക്ക​മി​ട്ട​ത്. സ്വ​കാ​ര്യ​ത മൗ​ലി​കാ​വ​കാ​ശ​മാ​ണെ​ന്ന്​ സു​പ്രീം​കോ​ട​തി  വി​ധി  പ​റ​ഞ്ഞ സാ​ഹ​ച​ര്യ​ത്തി​ലാ​ണ്​​ മ​ന്ത്രി​യു​ടെ പ്ര​തി​ക​ര​ണം. വി​ധി​യെ  പൂ​ർ​ണ​മാ​യും മാ​നി​ച്ചു​ത​ന്നെ ബി.​ജ.​പി നേ​തൃ​ത്വം ന​ൽ​കു​ന്ന എ​ൻ.​ഡി.​എ  സ​ർ​ക്കാ​ർ  ബ​യോ​മെ​ട്രി​ക്​ ​തി​രി​ച്ച​റി​യ​ൽ കാ​ർ​ഡി​നു​ള്ള നി​യ​മം ചി​ട്ട​പ്പെ​ടു​ത്തു​മെ​ന്ന്​ ​ ജെ​യ്​​റ്റ്​​ലി പ​റ​ഞ്ഞു.