അന്തരീക്ഷ മലിനീകരണം രൂക്ഷം; ഡൽഹിയിൽ സ്വകാര്യ കാറുകൾക്ക്​ നിയന്ത്രണം വരുന്നു

ന്യൂഡൽഹി: ഡൽഹിയിലെ പലയിടങ്ങളിലും വായുമലിനീകരണം അതിരൂക്ഷം. കഴിഞ്ഞ ദിവസങ്ങളിൽ അയൽ സംസ്​ഥാനങ്ങളിൽ വൻ തോതിൽ കാർഷിക അവശിഷ്​ടങ്ങൾ കത്തിച്ചതോടെയാണ്​ അപകടകരമായ തോതിലേക്ക്​ എത്തിയത്​.

ചൊവ്വാഴ്​ച ഡൽഹിയിൽ അന്തരീക്ഷ വായു നിലവാര സൂചിക 401ാണ്​ രേഖപ്പെടുത്തിയത്​. മലിനീകരണം അപകടകരമായ തോതിൽ എത്തിയതിനെത്തുടർന്ന്​ നിർമാണ പ്രവർത്തികൾക്ക്​ സർക്കാർ നി​യന്ത്രണം ഏർപ്പെടുത്തി.

മലിനീകരണതോത്​ ഇനിയും ഉയരുകയാണെങ്കിൽ നവംബർ ഒന്നു മുതൽ സ്വകാര്യ കാറുകൾക്ക്​ നിയ​ന്ത്രണം ഏർപ്പെടുത്തുമെന്നും സർക്കാർ വൃത്തങ്ങൾ വ്യക്തമാക്കി. കൂ​ടാതെ, പൈപ്പിലൂടെയുള്ള പ്രകൃതിവാതകത്തിലേക്ക്​ മാറാത്തതിന്​ 113 വ്യവസായ ശാലകൾ അടച്ചുപൂട്ടാൻ തിങ്കളാഴ്​ച ​െലഫ്​. ഗവർണർ അനിൽ ബൈജലി​​​െൻറ അധ്യക്ഷതയിൽ ചേർന്ന യോഗം തീരുമാനിച്ചിരുന്നു.

പഞ്ചാബ്​, ഹരിയാന സംസ്​ഥാനങ്ങളിൽ കാർഷിക അവശിഷ്​ടങ്ങൾ കത്തിക്കുന്നതാണ്​ ഡൽഹിയിലെ മലിനീകരണം രൂക്ഷമാവാനുള്ള കാരണം എന്ന മുഖ്യമന്ത്രിയുടെ പ്രസ്​താവന രാഷ്​ട്രീയ വിവാദമായി മാറുകയും ചെയ്​തു.