പ്രതിഷേധം ഫലം കണ്ടു; ആഗ്രയിലേക്ക്​ പോകാൻ പ്രിയങ്ക ഗാന്ധിക്ക്​ യു.പി പൊലീസിന്‍റെ അനുമതി

ലഖ്​നോ: ആഗ്രയിലേക്ക്​ പോകാൻ പ്രിയങ്ക ഗാന്ധിക്കും മറ്റ്​ മൂന്ന്​ പേർക്കും യു.പി പൊലീസ്​ അനുമതി നൽകി. പൊലീസ്​ കസ്റ്റഡിയിൽ മരിച്ചയാളുടെ കുടുംബത്തെ സന്ദർശിക്കുന്നതിനാണ്​ പ്രിയങ്കക്ക്​ അനുമതി നൽകിയത്​. നേരത്തെ പ്രിയങ്ക ഗാന്ധിയെ യു.പി പൊലീസ്​ തടഞ്ഞത്​ വലിയ വിവാദങ്ങൾക്ക്​ കാരണമായിരുന്നു.

ലക്​നോ-ആഗ്ര എക്​സ്​പ്രസ്​ ഹൈവേയിലെ ടോൾ പ്ലാസയിലാണ്​ കോൺഗ്രസ്​ നേതാവിനെ തടഞ്ഞ്​ പൊലീസ്​ സ്​റ്റേഷനിലേക്ക്​ മാറ്റിയത്​. നേരത്തേ അനുമതി വാങ്ങാത്തതിനാലാണു പ്രിയങ്കയെ തടഞ്ഞതെന്നാണു യു.പി പൊലീസിന്‍റെ വിശദീകരണം.

ഞാൻ വീട്ടിലാണ്ടെങ്കിൽ പ്രശ്​നമില്ല, എന്‍റെ ഓഫിസിലേക്ക്​ പോകുകയാണെങ്കിലും പ്രശ്​നമില്ല. എന്നാൽ, ​മറ്റെവിടെയെങ്കിലും പോയാൽ ഇവർ ഈ 'തമാശ' തുടരുന്നു. എന്താണിത്​? തീർത്തും പരിഹാസ്യമാണ്​ നടക്കുന്നത്​. ഞാൻ താമസിയാതെ ആ കുടും​ബത്തെ സന്ദർശിക്കുമെന്നും പിയങ്ക ഗാന്ധി പറഞ്ഞിരുന്നു.